Read Te Tusi Tapu I Te Gana Tuvalu Lomiga Lua IOPU 6 Bible Online

IOPU 6 - Te Tusi Tapu I Te Gana Tuvalu Lomiga Lua bible

IOPU 6

¹Moi ne fua oku fakalavelave mo puapuaga i se fua mea mafa.

³E penei e mafa atu i one o te tai, Tela la, aku muna kona ne fai valevale atu ke mo a eiloa e 'poi ei koutou.

⁴A te Atua Malosi ne velo ne ia au ki matasana, A te poisini o matasana ko salalau i toku foitino. Ko oti ne fakatoka ne te Atua ana meatau fakamataku ke ta ei au.

⁵A te asini e malie i te kai o mouku, A te pulumakau e filemu foki manafai e kai ki kausaito.

⁶Kae ko oi te tino e mafai ne ia o kai a meakai seai se manogi, meakai seai se masima i ei? Se a te gali i te mea kena o te fuamoa?

⁷E seai soku fiakai ki vaega meakai pena, A mea katoa e kai ne au e masaki fua ei au.

⁸Ai a e se aumai ei ne te Atua ki a au a te mea e manako au ki ei? Ai a seki tali mai ei a ia ki taku talo?

⁹E sili atu moi ne na tamate ne ia a au!

¹⁰Moi ne iloa ne au me ka tamate ne ia a au, Penei au e eva eiloa ki luga i te fiafia, Faitalia eiloa te lasi o toku mae. E iloa ne au i te Atua e malu; e seki 'teke eiloa ne au se fakatonuga a ia.

¹¹Tefea toku malosi e mafai ei au o toe ola ke tai leva atu? Ai a e fia ola ei au manafai ko seai soku fakamoemoega?

¹²E a, au nei ne faite ki fatu? A toku foitino nei se palasi?

¹³Ko seai soku malosi e toe ke fakasao ei au; E seai eiloa se koga e mafai o maua mai i ei soku fesoasoani.

¹⁴I taimi o fakalavelave penei, au e manako ki taugasoa fakamaoni faitalia me ko oti ne tiaki ne au a te Atua io me ikai.

¹⁵Ka ko koutou, oku taugasoa, ko fakatogafiti ne koutou a au, E pela me ne vaitafe foliki kola ko masa pakupaku me ko seai ne vaiua.

¹⁶A vaitafe foliki ko pono ne te kiona,

¹⁷Kae i te taimi ko vela ei te aso, ko 'galo atu ei, Mo takele papa o vaitafe foliki ko tuku faka'sau mai, Me ko masa pakupaku.

¹⁸A tino olo malaga ko galo i te ologa o sala a vai; Ko tekateka fua latou i te toafa, Mate atu foki eiloa i ei.

¹⁹A tino olo malaga mai Seepa mo Tema ne salasala ki vai,

²⁰Kae ko gata eiloa olotou fakamoemoega i te mauaga ne latou a vaitafe foliki e masa pakupaku fua.

²¹A koutou e pela eiloa mo vaitafe foliki kona, E lavea ne koutou te ikuga ka oko ki a au, Ko koutou eiloa ko tele ki tua i te mataku.

²²E a, kai fakamolemole atu eiloa a au ke aumai se meaalofa? E a, kai togi fakakolekole eiloa ne au a se tino mō soku lei?

²³Io me ke fakasao ne ia a au mai soku fili?

²⁴Ko lei, akoako mai au; taku mai a mea e 'se ei au. Au ka filemu kae fakalogologo atu eiloa ki a koutou.

²⁵A muna tonu e gali i te fakalogo, ka ko koe e faipati valea fua.

²⁶A koutou e leake nei i a au e soona faipati valevale fua, pela fua me se matagi; Ai a la ne tali mai ei koutou ki pati ne fai ne au ona ko toku puapuaga?

²⁷E mafai foki eiloa ne koutou o puke a pologa kola e seai ne matua, Kae fakatogafiti ne koutou a otou taugasoa pili eiloa, ko koutou ke maumea!

²⁸Kilo mai ki oku mata. Au e se loi.

²⁹Ko to silia tau mea ne fai. Fakagata nei tou fai mea se tonu. Sa fakamalaiagina au. Au e nofo i te auala tonu.

³⁰A koutou e leake nei i a au e loi, koutou e mafaufau pela me e se iloa ne au te mea lei mo te mea masei?