Read Te Tusi Tapu I Te Gana Tuvalu Lomiga Lua IOPU 7 Bible Online

IOPU 7 - Te Tusi Tapu I Te Gana Tuvalu Lomiga Lua bible

IOPU 7

¹A te olaga o te tagata e pela me se olaga o sotia i se kautau, Pela me se olaga o tino galue fi'ta,

²Pela me se pologa tela ko oko eiloa i te manako ki se malūga moko; E pela me se tino galue e fakatalitali ki tena togi.

³I masina takitasi, e lavea ne au me e seai eiloa se pogai e 'tau ei au o ola i te olaga nei; I po katoa, au e fanoanoa faeloa.

⁴Kafai e takato au o moe, kae gasolo o tuai te itula; E moe fita au i te po, mo te manako ke na oko mai te vaveao.

⁵A toku foitino ko fonu i ilo, ko fonu i fakafoa; A te aukau ko sali mai fua i oku mea pala.

⁶Au ko ola fua seai se fakamoemoega, A oku aso ko makini eiloa pela mo te makini o te mea laga laugatu.[7]

⁷Te Atua, masaua i toku ola se manava fua; A toku fiafia ko leva eiloa ne gata mai.

⁸E lavea nei ne koe au, ka se toe lavea ne koe au. Kafai e sala koe ki a au, ka ko au ka galo atu.

⁹A te tagata e mate kae se toe foki mai eiloa; E pela eiloa mo te kaumana tela e matafi atu, galo eiloa, E se toe manatua a ia ne tino kola ne masani mo ia.

¹¹Ikai! Au se mafai o filemu! Au e kaitaua kae fita. Au e tau o faipati.

¹²Ai a e leoleo ei ne koutou a au? A koutou e manatu pela i a au se manu fekai o te tai?[8]

¹³E takato ifo au o taumafai o fai saku malologa; Ke tai feoloolo toku mae.

¹⁴Ka ko koe — e fakamatakutaku ne koe au ki moemiti; E aumai ne koe a fakaasiga mo moemiti masei,

¹⁵Ke oko ki te taimi ko talia ei ne au ke kumi au ke mate, I lo te ola i te lalolagi faigata tenei.

¹⁶Au ko fiu; au ko fi'ta i te olaga nei. Tuku mai au ke filemu. A toku olaga e seai se aoga.

¹⁷ Ai a e tāua ei te tagata ki a koe? Ai a e saga ei koe ki ana mea e fai?

¹⁸E sukesuke ne koe a ia i taeao katoa, e tofotofo ne koe a ia i minute katoa.

¹⁹Kilo fakaatea ke tai leva, ko te mea ke maua soku avanoa o folo oku suavale.

²⁰Tino tausi pagota, e a, e pakia koe i taku agasala? Ai a e fakaaoga ei ne koe a au ke fai mo mea taketi a koe? E a, ko to fakalavelave atu au ki a koe?

²¹E a, e se mafai ne koe o fakamagalo aku agasala? E a, e se mafai ne koe o fakamagalo mai taku mea se ne fai? E se leva nei, ka ko i lalo au i toku tanuga, Ka sala koe ki a au, ka ko leva au ne fano.