Read Te Tusi Tapu I Te Gana Tuvalu Lomiga Lua IOPU 8 Bible Online

IOPU 8 - Te Tusi Tapu I Te Gana Tuvalu Lomiga Lua bible

IOPU 8

¹E a, ko gata eiloa tau faipatiga?

³E se mafai ne te Atua o fakatakapili te mea tonu; e se mafai o se fai ne ia a te mea tonu.

⁴E se taumate au tamaliki kāti ne agasala faeloa ki te Atua, Tena ne fakasala ei ne ia latou e tusa eiloa mo olotou agasala ne fai.

⁵Fuli nei ki te Atua Malosi, o fakamolemole atu ki ei ke fesoasoani atu ki a koe;

⁶Kafai koe e fai mea tonu kae loto ma, A te Atua e vau eiloa o fesoasoani atu ki a koe o toe fakaola tou kaiga, E taui ei tou amiotonu.

⁷A tou maumea tela ne galo, ka se taitai eiloa o 'pau mo te mea tenei ka aumai ne te Atua ki a koe i te taimi nei.

⁸Onoono malie aka ki te poto taumua; Kae mafaufau fakalei ki te poto ne tauloto ne 'tou tupuga.

⁹A te tou olaga e toetoe fua, e seai eiloa se mea e iloa ne tatou; A tatou e pela fua me ne ata e faka'sili i te lalolagi.

¹⁰Ke talia ne koe te akoakoga a tagata poto taumua; Fakalogo ki olotou muna;

¹¹“A mouku o te vai e se mafai o ola aka i se koga e seai ne vai i ei; E se mafai o maua ne mouku pena i se koga se suasua.

¹²Kafai e masa te vai, ko mouku kona e muamua o magemage, Kae koi foliki e seki tau o kati ke fakaaoga.

¹³A tino se talitonu ki te Atua e pela eiloa mo mouku kona; Kafai ko puli atu te Atua, ko galo atu foki te lotou fakamoemoega.

¹⁴E talitonu latou ki uka filo, ki leveleve o te pogaleveleve.

¹⁵Kafai e faka'pale latou ki te leveleve, e mata e mafai ne te leveleve o taofi aka latou? Kafai e puke mau latou ki te uka filo, e mata e mafai ne te filo o taofi latou?”

¹⁶A tino masei e gasue aka, pela mo mouku e gasue manafai e kasa mai te la, E pela mo mouku kola e ola valevale i se fatoaga.

¹⁷A aka o latou e mau ki fatu, e piki mau ki kaupapa.

¹⁸Kae kafai ko unu aka ki luga e seai eiloa se tino e iloa ne ia me ne ola aka i te koga tena.

¹⁹E tonu, tena eiloa te fiafiaga o tino masei; Nisi ka o'mai o sui latou.

²⁰Ka ko te Atua e se mafai o tiakina ne ia a tino talitonu; E se mafai a ia o fesoasoani ki tino masei.

²¹Ka toe fai ne ia a koe ke toe katakata, Kae toe pakalaga sale.

²²Kae ka fakamasiasi a latou kola e ita ki a koe, Ka ko fale o tino amio masei ka galo atu katoa.