Read Te Tusi Tapu I Te Gana Tuvalu Lomiga Lua SALAMO 10 Bible Online

SALAMO 10 - Te Tusi Tapu I Te Gana Tuvalu Lomiga Lua bible

SALAMO 10

¹Te Aliki, ai a ko faka'mao ei koe keatea? Ai a e fakagalo ei koe i taimi e puapuagatia ei matou?

²A tino amio ma'sei ko fakamata'mata kae fakasaua ki tino ma'tiva; Faka'lave aka latou i olotou malei ne tao.

³E fakamatamata te tino amio masei ki ona manakoga ma'sei; A te tino kaimanako e faifai muna kae teke ki te Aliki.

⁴A te tagata amio masei e se saga ki te Aliki; Ona ko tena loto fia maluga tela e mafaufau aka ia pela i te Atua e se aoga.

⁵E taunu a mea katoa e fai ne ia. E se mafai a ia o malamalama i fakamasinoga a te Atua; Ka ko ia e fakatauemu ki ona fili.

⁶E faipati ifo a ia ki tena loto penei, “E se mafai o se taunu aku mea e fai; E seai se mea e mafai o tupu ki a au.”

⁷ E fonu tena gutu i muna'tuku, mo pati loi, mo pati fakatupu taua, E vave foki a ia o faipati ki pati fakaitaita mo pati masei.

⁸E muni sale a ia i fa'kai; O fakatalitali o tamate ne ia a tino e seai ne agasala. E alamati ne ia a tino kae fakatupu ne ia ki ei a te fakalavelave;

⁹E fakatalitali a ia i tena koga 'muni pela me se leona. E takatokato o fakatalitali ki tino ma'tiva; E 'po ne ia latou ki tena malei ko soso ei keatea.

¹⁰A latou kola e pakia ko logofiofio eiloa; Ko taka'vale latou i tena malosi.

¹¹Ko fai ake pela te tino amio masei i tena loto, “A te Atua ko se saga mai! E moe ona mata, e se taitai o matea ne ia au!”

¹²Te Aliki, fakasala a tino amio ma'sei kona! Kae sa puli i a koe a tino puapuagatia!

¹³E mafai pefea o manatu mama a te tino amio masei ki te Atua, Kae fai ifo i tena loto penei, “A te Atua ka se fakasala ne ia au”?

¹⁴E iloa kae matea ne koe a puapuaga mo fi'taga, Kae toka faeloa koe o fesoasoani. A te tino puapuagatia ko tuku katoatoa a ia ki a koe; Me fesoasoani sale koe ki te tino e fia maua se fesoasoani.

¹⁵Fatifatigina te malosi o tino amio masei; Fakasala atu ki a latou e tusa mo olotou amioga ma'sei, Ke oko eiloa ki te ikuga.

¹⁶A te Aliki ko te tupu ki te se gata mai, se gata mai eiloa. A latou kola e tapuaki ki atua fakaatea ka se toe matea latou i tena fenua.

¹⁷Te Aliki, ke fakalogo koe ki te talo a tino loto malalo; Kae ke fakamalosi ne koe latou.

¹⁸Ka lagona ne koe a leo o tino puapuagatia, mo tamaliki ko mate olotou matua, Kae fakamasino ne koe latou mo te alofa, Ko te mea ke se toe iai ne tino o te lalolagi nei e fakamatakutaku atu ki a latou.