Read Te Tusi Tapu I Te Gana Tuvalu Lomiga Lua SALAMO 101 Bible Online

SALAMO 101 - Te Tusi Tapu I Te Gana Tuvalu Lomiga Lua bible

SALAMO 101

¹[129] Te Aliki, e usu atu ne au taku pese ki a koe, Ko te pese e uiga ki te fakamaoni mo te amiotonu.

²A taku amio e seai eiloa se 'se i ei. E vau afea koe ki a au? Ka ola au i se olaga 'ma i loto i toku fale,

³Kae ka se mafai lele o talia ne au te masei. Au e takalialia i faifaiga a tino kola e olo keatea mai te Atua; Kae e seai saku mea e fai mo latou.

⁴E fakamaoni au, E se mafai ne au o talia se tino amio fakamatamata kae fakamaualuga.

⁵Ka ave keatea ne au so se tino tela e musumusu A muna se lei e uiga ki se isi tino; Ka se fakasao ne au se tagata E amio fiasili kae fakamatamata.

⁶Au e fiafia ki tino kola e fakamaoni ki te Atua, Kae ka talia ne au latou ke 'nofo i toku fale. A latou kola e fakamaoni katoatoa, Ka talia ne au ke tavini mai ki a au.

⁷E seai se tino loi e nofo i toku palesi; E seai foki se tino amio fakaloiloi e nofo mai i oku mua.

⁸Ka fakamalaia ne au i aso takitasi, A tino amio ma'sei katoa i luga i te tou fenua; Ka afuli ne au keatea tino amio masei katoa mai te fa'kai o te Aliki.