Read Te Tusi Tapu I Te Gana Tuvalu Lomiga Lua SALAMO 102 Bible Online

SALAMO 102 - Te Tusi Tapu I Te Gana Tuvalu Lomiga Lua bible

SALAMO 102

¹[130] Te Aliki, fakalogologo mai ki taku 'talo, Kae ke lagona mai ne koe taku kalaga atu mō se fesoasoani!

²Sa fulitua mai ki a au i taimi e puapuagatia ei au! Fakalogo mai ki a au, Kae tali fakavave mai ki a au i taimi e kalaga atu ei au.

³A toku olaga ko matafi atu fua e pela mo se au o te afi; Mo toku foitino e 'ka e pela me se afi;

⁴Au ko pela me se mouku ko magemage; Ko galo foki toku manako ki meakai.

⁵Au ko manava fita; Ka ko toku foitino, na ko pakili fua mo ivi.

⁶Au ko pau me se manu eva o te vao i te toafa, E pela foki me se lulu e nofo i koga ne fakamasei.

⁷Au e moe alaala; Au e pela me se manu e tu tokotasi i luga i te tuafale.

⁸A oku fili e fai muna ma'sei mai ki a au i te aso katoa; Mo latou kola e fakatauemu mai ki a au e fetū Ne latou a tino ki toku igoa.

⁹Ona ko tou ita mo tou kaitaua, ko fai ei a lefu mo aku meakai, Ka ko taku meainu e palu mo oku loimata. Ne puke ake ne koe au kae 'pei keatea.

¹¹A toku olaga e fakatusa ki te malu afiafi; E pela au mo mouku mage'mage.

¹²Ka ko koe te Aliki, ko te tupu ki te se gata mai; E masaua koe ne kautama katoa.

¹³Ka tu ake koe kae alofa atu ki Siona; Ko oko mai te taimi e alofa ei koe ki a ia; Ko te taimi tonu eiloa tenei.

¹⁴E ui eiloa a ia ko oti ne fakamaseigina, Ka ko au tavini e mau eiloa te lotou alofa ki a ia; E ui eiloa a ia ko malepelepe valevale, Kae a'lofa eiloa latou ki a ia.

¹⁵A malo ka ma'taku ki te Aliki; A tupu katoa o te lalolagi e ma'taku i tena mana.

¹⁶Kafai e toe ati ake ne te Aliki a Siona, Ka fakaasi atu ne ia a tena sili.

¹⁷Ka lagona ne ia te kalaga a ona tino mativa, Kae ka fakalogo a ia ki olotou 'talo.

¹⁸Fakamau ki lalo i tusi a mea ne fai ne te Aliki, Ko te mea ke iloa ne kautama fakamuli, Mo tino kola e seki fa'nau mai; Ke tavae atu latou ki a ia.

¹⁹A te Aliki ne onoono ifo mai tena nofoga tapu kae maluga, Ne kilokilo ifo a ia mai te lagi ki te lalolagi.

²⁰Ne lagona ne ia te tagi fita o pagota, Kae ne fakasaoloto ne ia latou kola ne fakasala ki te mate.

²¹Tela la, ka folafola atu ne tino te igoa o te Aliki i Siona, Ka fakafetai atu foki latou ki a ia i Ielusalema

²²i taimi e fakatasi ei a malo mo fenua o tapuaki atu ki te Aliki!

²³Ne fai au ne te Aliki ke vaivai ka koi foliki faeloa au; Ne fakatoetoe ne ia toku ola.

²⁴Te Atua, sa avegina au keatea nei, i a au seki matua. Te Aliki, a koe e ola ki te se gata mai;

²⁵ Ne faite ne koe te lalolagi i aso taumua eiloa, Ko ou lima foki ne fai ei ne koe a lagi!

²⁶Ka 'galo atu katoa latou, ka ko koe e tumau faeloa; Ka ma'tafi atu foki latou e pela me ne laugatu, Ka pei keatea ne koe latou e pela me ne gatu, Kae ka 'galo latou.

²⁷Ka ko koe e tumau faeloa, a tou ola foki e seai se gata mai.

²⁸A omotou fanau ka ola i te olaga manuia, Mo olotou mokopuna ka ola faeloa i lalo o tau puipuiga.