Read Te Tusi Tapu I Te Gana Tuvalu Lomiga Lua SALAMO 111 Bible Online

SALAMO 111 - Te Tusi Tapu I Te Gana Tuvalu Lomiga Lua bible

SALAMO 111

¹Ke viki atu koutou ki te Aliki! Au e fakafetai ki te Aliki mo toku loto katoatoa, i taimi e tapuaki ei ona tino.

²Ko foki i te 'gali a mea e fai ne te Aliki! A latou kola e fia'fia ki mea kona, e ma'nako ke malamalama latou i ei.

³E tafasili i te 'lei mo te 'malu ana mea katoa e fai; A tena amiotonu foki e tumau ki te se gata mai.

⁴A te Aliki e kaimalie kae alofa; E fai foki ne ia ke se puli i a tatou ana mea fakaofoofogina ne fai.

⁵E se puli lele i a ia tena feagaiga; E aumai ne ia a meakai ki a latou kola e ma'taku ki a ia.

⁶Ko oti ne fakaasi tena mana ki ona tino, i te tukuatuga o fenua o tino fakaatea ke fai mō latou.

⁷E fakamaoni kae fai mea tonu a ia i ana mea katoa e fai; Ko ana tulafono katoa e fakalagolago tatou ki ei.

⁸Ana Tulafono e tumau i taimi katoa, Me e tuku mai ne ia i te tonu mo te amiotonu.

⁹Ne aumai ne ia te fakaolataga ki tena fenua, Kae ne fai foki ne ia se feagaiga mo latou e se gata mai. E tapu kae malosi a ia!

¹⁰ A te auala ... te Aliki; [138] E fai ne ia a fakamasinoga tonu ki tino katoa kola e faka'logo ki ana fakatonuga. E 'tau o vikia a ia ki te se gata mai!