Read Te Tusi Tapu I Te Gana Tuvalu Lomiga Lua SALAMO 112 Bible Online

SALAMO 112 - Te Tusi Tapu I Te Gana Tuvalu Lomiga Lua bible

SALAMO 112

¹Ke viki atu koutou ki te Aliki! Amutia te tino tela e mataku ki te Aliki, Kae fiafia o fakalogo ki ana fakatonuga.

²E 'tupu malosi tena fanau i te fenua; E manuia a fanau a te tino amio 'lei.

³A tena kaiga ka tupu malosi kae maumea, Kae ka manuia a ia ki te se gata mai.

⁴E maina atu te mainaga i te pouliga mō tino amio'lei, Mo latou foki kola e kaima'lie, alofa kae fai mea tonu.

⁵Amutia te tino tela e alofa o tuku atu fua ana mea ki tino e fia kaitalafu i a ia, Kae fai tena pisinisi mo te fakamaoni.

⁶A te tino amio'lei e manuia faeloa, E se mafai foki o fakapuli a ia ne tino.

⁷E se mataku a ia i tala ma'sei e lagona ne ia, A tena fakatuanaki e malosi, kae talitonu a ia ki te Aliki.

⁸E se manavase a ia io me mataku foki; E mautinoa ne ia me ka lavea atu ne ia ona fili ko taka'vale.

⁹ A ia e kaimalie ki tino ma'tiva, A tena alofa foki e se gata mai; A ia ka fonu i te malosi kae fakaaloalogina.

¹⁰Ka lavea te mea nei ne tino agasala, ko ita ei latou; Ka faka'piko olotou mata i te takalialia, ko 'galo atu ei latou; Ko se toe ai ne olotou fakamoemoega ki te se gata mai.