Read Te Tusi Tapu I Te Gana Tuvalu Lomiga Lua SALAMO 113 Bible Online

SALAMO 113 - Te Tusi Tapu I Te Gana Tuvalu Lomiga Lua bible

SALAMO 113

¹Ke viki atu koutou ki te Aliki! A koutou tavini a te Aliki, Viki atu ki tena igoa!

²Ke vikia tena igoa, Nei ke oko ki te se gata mai.

³Mai te saegala ki te togala, Ke vikia te igoa o te Aliki!

⁴A te Aliki e pule i malo katoa; A tena 'malu e maluga atu i te lagi.

⁵E seai se tino e fakatusa ki ei te Aliki te tou Atua. E nofo a ia i koga maluga,

⁶Kae punou ifo a ia Ke lavea ne ia te lagi mo te lalolagi.

⁷E avake ne ia a te tino mativa mai tena olaga masei; E siki ake ne ia ki luga a tino sogea mai te lotou puapuagatia

⁸E fai foki ne ia latou ke taugasoa mo pelenise, Ko pelenise o tena fenua.

⁹E faka'malu ne ia te fafine avaga tela e seai ne ana tama i tena kaiga; E avatu ne te Aliki ne fanau ma ia mo fakafiafia a ia. Viki atu koutou ki te Aliki!