Read Te Tusi Tapu I Te Gana Tuvalu Lomiga Lua SALAMO 114 Bible Online

SALAMO 114 - Te Tusi Tapu I Te Gana Tuvalu Lomiga Lua bible

SALAMO 114

¹I te tiakinaga o Aikupito ne tino Isalaelu, i te tiakinaga foki ne fanau a Iakopo a te fenua fakaatea tena,

²A Iuta ko fai mo tino tapu a te Aliki, Ka ko Isalaelu ne fai mo ona tofi tonu.

³ Ne kilo atu te Tai Kula, ko te mea eiloa ko tele keatea; A te Vaitafe o Iolitana ne se 'tafe.

⁴A mauga 'lasi ne evaeva e pela me ne kouti, Ka ko mauga fo'liki ne tafukefuke e pela me ne tamā mamoe.

⁵Te tai, ai a ne tele ei koe keatea? A koe foki te Iolitana, ai a ne se tafe ei koe?

⁶Koutou mauga 'lasi, ai a ne evaeva ei koutou e pela me ne kouti? Koutou mauga fo'liki, ai a ne tafukefuke ei koutou e pela me ne tamā mamoe?

⁷Te laukele, ke galulu koe i te taimi e vau ei te Aliki, Ke galulu foki koe i mua o te Atua o Iakopo,

⁸ Ko ia tela ne fuli ne ia a kaupapa ke fai mo pugapugaloto vai, Ne fai foki ne ia matā papa lasi ke fai mo vaipuna.