Read Te Tusi Tapu I Te Gana Tuvalu Lomiga Lua SALAMO 118 Bible Online

SALAMO 118 - Te Tusi Tapu I Te Gana Tuvalu Lomiga Lua bible

SALAMO 118

¹ Fakafetai atu koutou ki te Aliki me agalei, A tena alofa foki e se gata mai.

²A tino Isalaelu ke fai ake penei, “A tena alofa e se gata mai.”

³A faitaulaga a te Atua ke fai ake penei, “A tena alofa e se gata mai.”

⁴A tino katoa kola e tapuaki ki a ia ke fai ake penei, “A tena alofa e se gata mai.”

⁵Au ne kalaga ki te Aliki i taimi e puapuagatia ei au; Ne tali mai kae fakasao ne ia au.

⁶ Au ko se mataku me kau fakatasi maua mo te Aliki; Ko se toe mafai ne tino o fai mai se mea ki a au.

⁷Ko te Aliki tela e fesoasoani mai ki a au, Ka lavea ei ne au oku fili ka takavale.

⁸E sili atu te talitonu ki te Aliki, i lo te fakalagolago ki tino.

⁹E sili atu te talitonu ki te Aliki, i lo te fakalagolago ki tino pule.

¹⁰Ne nikoi au ne fili e tokouke; Kae ne fakamasei ne au a latou i te mana o te Aliki!

¹¹Ne nikoi au ne latou i feitu katoa; Ne fakamasei ne au a latou ki te mana o te Aliki!

¹²Ne mumu mai ki a au e pela me ne lagofufu, Kae ne 'ka fakavave katoa latou e pela me se afi e ka i va o lakau makaikai; Ne fakamaseigina latou ki te mana o te Atua!

¹³Au ne ta fakamasei kae ne takavale, Ka ko te Aliki ne fesoasoani mai ki a au.

¹⁴ Te Aliki ne fai ne ia au ke malosi kae mafi; Ne fakaola ne ia au.

¹⁵Faka'logo ki ka'laga fia'fia o te manumalo i loto i faleie o tino o te Atua: “Ko te mana lasi o te Aliki ne fai ne ia!

¹⁶Ko tena mana ne manumalo ei tatou, Ko tena mana malosi i taua!”

¹⁷Au ka se mate; au ka ola eiloa, Ko te mea ke fakamatala ne au a mea a te Aliki ne fai.

¹⁸Ne fakasala 'mafa ne ia au, Kae ne seki tuku ne ia au ke mate.

¹⁹'Tala mai ki a au a mataloa o te Faletapu; Ke ulu atu au ki loto o fakafetai ki te Aliki!

²⁰Tenei te mataloa o te Aliki; Ko tino amiotonu fua e mafai o ulu mai ki loto.

²¹Te Aliki, e tavae ne au a koe me ne talia ne koe au, Ne fai foki au ne koe ke manumalo.

²² Te fatu tela ne tiaki ne tufuga fai fale me se aoga, Ne iloa ake me ko te toe fatu tafasili i te taua i fatu katoa.

²³Ne fai ne te Aliki te mea tenei; E ofo tatou ma kilo ki ei!

²⁴Mea nei ko te aso o te manumalo o te Aliki; Ke fiafia tatou o fakamasaua!

²⁵ Te Aliki, fakaola mai matou! Tuku mai te manuia ki a matou!

²⁶ Te Atua, fakamanuia atu ki a ia tena e vau i te igoa o te Aliki; Mai te Faletapu o te Aliki, e fakamanuia atu ei matou ki a koutou.

²⁷A te Aliki ko te Atua; a ia ne alofa mai ki a tatou. Kamata a fiafiaga o te aso o solo mo kaula o lakau i otou lima o fakatamilo te fata-fai-taulaga.

²⁸A koe ko toku Atua, ko fakafetai atu au ki a koe; Ka folafola atu ne au tou 'malu.

²⁹Fakafetai ki te Aliki me i a ia e aga 'lei, A tena alofa foki e se gata mai.