Read Te Tusi Tapu I Te Gana Tuvalu Lomiga Lua SALAMO 12 Bible Online

SALAMO 12 - Te Tusi Tapu I Te Gana Tuvalu Lomiga Lua bible

SALAMO 12

¹[13] Te Aliki, fesoasoani mai ki a matou! Ko seai nei se tino amiotonu e 'toe; Ko se mafai o toe maua se tino fakamaoni.

²Ko fakatau 'loi a tino katoa i a latou eiloa; Kae takolekole te sua tino ne te sua tino ki pati fakaloiloi.

³Te Aliki, taofi atu a gutu o tino takolekole, Kae 'pono atu a gutu o tino fakamatamata, kola e fai ake pela,

⁴“Ko omotou pati e maua ei ne matou te mea e ma'nako matou ki ei. E faipati eiloa matou ki te mea e manako matou ki ei, Kae seai eiloa se tino e mafai o taofi matou.”

⁵Muna a te Aliki, “Au ka fanatu ki a koe, Me ko fia maua se fesoasoani ne tino puapuagatia, Ko lagona foki ne au a te tagi o tino ne fakasauagina. Ka avatu foki ne au te filemu e pela mo te mea e ma'nako latou ki ei.”

⁶A folafolaga a te Aliki e fakatuagagina, E 'ma katoatoa pela me se siliva tela ko oti ne faka'ma fakafitu i te ogaumu.

⁷Te Aliki, ko 'fonu a koga katoa i tino amio masei, Ka ko tino katoa ko viki ki mea masei. Te Aliki, tausi mai matou, kae fakamao mai matou mai tino pena.