Read Te Tusi Tapu I Te Gana Tuvalu Lomiga Lua SALAMO 121 Bible Online

SALAMO 121 - Te Tusi Tapu I Te Gana Tuvalu Lomiga Lua bible

SALAMO 121

¹E kilo ake oku mata ki mauga; E a, e maua mai fea toku fesoasoani?

²E maua toku fesoasoani mai te Aliki, Tela ne faite ne ia te lagi mo te lalolagi.

³Ka se tuku ne ia koe ke siga; i tou tausi e mataalaala faeloa.

⁴A te leoleo o Isalaelu E se ti moe.

⁵Ka tausi koe ne te Aliki; E pili faeloa a ia ki ou tafa o puipui a koe.

⁶Ka se fita koe i te vela o te la i te ao. E pena foki te masina i te po.

⁷A te Aliki ka pui ne ia koe mai i mea faiga'ta katoa; Ka tausi faka'lei ne ia koe ke malu 'lei.

⁸Ka tausi ne ia koe i tou vau mo tou fano, Nei ke oko eiloa ki te se gata mai.