Read Te Tusi Tapu I Te Gana Tuvalu Lomiga Lua SALAMO 124 Bible Online

SALAMO 124 - Te Tusi Tapu I Te Gana Tuvalu Lomiga Lua bible

SALAMO 124

¹[143] Se a te 'tou mea ka fai moi se kau mai te Aliki ki a tatou? Isalaelu tali mai!

²“Moi ne se kau fakatasi te Aliki ki a tatou, i te taimi ne 'ta ei tatou ne 'tou fili,

³Penei ko palele tatou ne folo ola ne latou, Ona ko te lasi o te lotou ita mai ki a tatou;

⁴Penei ko ta'pea keatea tatou i te lofiaga kae ufigina ne te vai.

⁵Ne moi ma'lemu foki tatou i te tafe malosi o te vai.”

⁶Ke fakafetai tatou ki te Aliki, Me ne seki tuku atu ne ia tatou ke fakamasei ne 'tou fili.

⁷Ne 'sao tatou pela me se manu eva mai te malei a te tino fai manu; Ko motu te matasele, ko 'sao ei tatou!

⁸A te tou fesoasoani e maua mai te Aliki, Tela ne faite ne ia te lagi mo te lalolagi.