Read Te Tusi Tapu I Te Gana Tuvalu Lomiga Lua SALAMO 129 Bible Online

SALAMO 129 - Te Tusi Tapu I Te Gana Tuvalu Lomiga Lua bible

SALAMO 129

¹Isalaelu, fakaasi mai ki a matou tau fakasauaga ne ou fili i aso koi foliki ei koe!

²“I aso koi foliki ei au, Ne fakasaua masei au ne oku fili, Kae ne seki takavale eiloa au.

³Ne katikati fakamasei ne latou toku tua, Ko pela ei me se laukele ne fakamalū.

⁴Ka ko te Aliki, ko ia ake eiloa e amiotonu, Tela ne fakasaoloto ne ia au mai toku nofo pologa.”

⁵A latou katoa kola e se fia'fia ki Siona, Ke fakatakavale kae afuli ki tua.

⁶Ke fai latou pela me ne mouku kola e ola i luga i tuafale, Kola e pakupaku fua ka koi tuai o ola ake;

⁷E seai se tino e fakaputu ne ia, io me fia ave ne ia i saitaga.

⁸E seai se tino e fakasili aka i olotou tafa ke fai ake pela, “A te Aliki ke fakamanuia atu ki a koutou! E fakamanuia atu matou ki a koutou i te igoa o te Aliki.”