Read Te Tusi Tapu I Te Gana Tuvalu Lomiga Lua SALAMO 13 Bible Online

SALAMO 13 - Te Tusi Tapu I Te Gana Tuvalu Lomiga Lua bible

SALAMO 13

¹[14] Te Aliki, e fakapuli ne koe au ke afea? Ki te se gata mai? Ka muni koe mai a au ke afea?

²E gata afea taku kufakiga o te fi'ta? E gata afea te fonu o toku loto i te fanoanoa i te ao mo te po? E gata afea te manumalo o oku fili i a au?

³Te Aliki toku Atua, kilo mai kae tali mai ki a au. Fakafoki mai toku malosi, ko te mea ke se mate au.

⁴Sa faigina oku fili ke fai olotou pati pela i au ko takavale ia latou! Sa faigina latou ke fakamatamata i au ko takavale.

⁵Ka ko au e fakalagolago ki tou alofa tumau; Ka fiafia foki au, me ka fakasao au ne koe.

⁶Te Aliki, au ka viki atu ki a koe, i a koe ne alofa mai ki a au.