Read Te Tusi Tapu I Te Gana Tuvalu Lomiga Lua SALAMO 130 Bible Online

SALAMO 130 - Te Tusi Tapu I Te Gana Tuvalu Lomiga Lua bible

SALAMO 130

¹Te Aliki, au e kalaga atu ki a koe i taimi e vaivai ei au.

²Te Aliki, fakalogo mai ki toku leo; Fakalogo mai ki taku fakatagi mō se fesoasoani!

³Kafai ne tusitusi ne koe omotou agasala, Ko oi la te tino ka mafai o sao mai te fakasalaga?

⁴Ka ko matou e fakamagalo faeloa ne koe, Tena te mea e 'tau ei mo matou o ma'taku atu ki a koe.

⁵Ko fakatalitali au mo te loto naunau ki se fesoasoani mai te Aliki, Ko tena muna e talitonu au ki ei.

⁶E sili atu toku fakatalitali ki te Aliki, i lo te fakatalitali o leoleo ki te vaveao — i lo te fakatalitali o leoleo ki te vaveao.

⁷Isalaelu, talitonu ki te Aliki, Me i tena alofa e tumau, Kae fiafia faeloa a ia o fakamagalo.

⁸ Ka fakaola ne ia Isalaelu Mai olotou agasala.