Read Te Tusi Tapu I Te Gana Tuvalu Lomiga Lua SALAMO 132 Bible Online

SALAMO 132 - Te Tusi Tapu I Te Gana Tuvalu Lomiga Lua bible

SALAMO 132

¹Te Aliki, sa fakapuli ne koe Tavita, Mo mea faigata katoa ne oko ki a ia.

²Te Aliki, masaua a tena folafolaga ne tauto atu ei ki a koe a te Atua Malosi o Iakopo:

³“Ka se fano au ki toku fale io me fano au ki toku moega;

⁴Au ka se malolo io me moe,

⁵Seiloga ke fakatoka mua ne au se koga mo te Aliki, Se fale mo te Atua Malosi o Iakopo.”

⁶Ne 'logo matou e uiga mo te Pusa o te Feagaiga i Peteleema, Ne maua ne matou i kogā laukele o Iealima

⁷Ne fai atu matou pela, “Tatou ka olo ki te fale o te Aliki; O tapuaki atu i mua o tena nofogaaliki.”

⁸Te Aliki, vau ki te Faletapu mo te Pusa o te Feagaiga, Ko te fakailoga o tou mana, kae nofo i ei ki te se gata mai.

⁹Ko au faitaulaga ke fai mea tonu faeloa; Ke ka'laga fiafia katoa ou tino!

¹⁰Ne fai tau feagaiga mo Tavita tau tavini; Te Aliki, sa ita la ki tau tupu ne filifili.

¹¹Ne fai ne koe se feagaiga 'malu ki a Tavita, Se feagaiga e se mafai o fuli: “Ka fili ne au se tokotasi mai i au tamaliki tagata ke fai mo tupu, Ka tupu a ia manafai e oti atu tau nofoaiga.

¹²Kafai e fakamaoni au tama'liki tagata ki taku feagaiga, Mo aku fakatonuga e fai ki a latou, ka fai foki mo tupu olotou tamaliki tagata i taimi katoa e pela mo koe.”

¹³Ne fili ne te Aliki a Siona; Mo fai tena koga nofo tumau:

¹⁴“Tenei te koga ka nofo ei au ke oko ki te se gata mai; Tenei foki te koga e manako au o pule i ei.

¹⁵Ka fai ne au Siona ke maukoloa i mea katoa e fia maua ne ia; Ka tuku atu ne au meakai ki a latou kola e fia'kai.

¹⁶Ka fakamanuia ne au ana faitaulaga i olotou mea katoa e fai, Ka ko ona tino ka usu pese kae ka'laga mo te fiafia.

¹⁷ I konei ka fai ne au se tokotasi mai mokopuna o Tavita ke fai mo tupu takutakua; Mai konei foki ka fakatumau ne au a te pule a taku tupu ne filifili.

¹⁸Ka fakamasiasi ne au ona fili, Ka ko tena malo ka manuia kae tupu olaola.”