Read Te Tusi Tapu I Te Gana Tuvalu Lomiga Lua SALAMO 135 Bible Online

SALAMO 135 - Te Tusi Tapu I Te Gana Tuvalu Lomiga Lua bible

SALAMO 135

¹Ke viki atu koutou ki te Aliki! Viki atu ki tena igoa, a koutou tavini a te Aliki

²Kola e 'tu i te fale o te Aliki, i te Faletapu o te tou Atua.

³Ke vikia te Aliki, me lei a ia; Viki atu ki tena igoa i pese, me aga'lei a ia.[147]

⁴Me ne fili ne ia Iakopo mō ia, Mo tino o Isalaelu ke fai mo ona tino tonu.

⁵E iloa ne au i te tou Aliki e sili; E sili foki eiloa a ia i atua katoa.

⁶E fai ne ia te mea tela e manako a ia ki ei i te lagi mo te lalolagi, i te tai mo te moana 'poko.

⁷E aumai ne ia a kaumana o afā mai kapakapalagi; E fai ne ia a uila o afā, e Fakaagi mai foki ne ia te matagi mai te koga e nofo i ei.

⁸Ne tamate ne ia a toekimua i Aikupito; Ko tino mo manu.

⁹Ne fai ne ia a vavega mo mea fakaofoofogina, Ke fakasala i ei te tupu mo ana kau.

¹⁰Ne fakatakavale ne ia a malo e uke, Kae tamate foki ne ia a tupu ma'losi:

¹¹Ko Sekono te tupu o Amoli, Mo Oko te tupu o Pasana, Fakatasi mo tupu katoa i Kanana.

¹²Ne tuku ne ia olotou laukele ki tena fenua ko Isalaelu.

¹³Te Aliki, ka folafola sale atu faeloa ne tino i a koe ko te Atua; Ka masaua koe ne tupulaga katoa.

¹⁴Te Aliki ka puipui ne ia ona tino; Kae ka alofa atu a ia ki ana tavini.

¹⁵ A tupua o nisi malo e faite ki aulo mo siliva; Ne faite ne tino ki olotou lima.

¹⁶E isi ne gutu o latou kae se mafai o fai'pati, E isi foki olotou mata kae se ile.

¹⁷E isi ne olotou taliga kae se 'logo, e se manava foki latou.

¹⁸Ko latou kola ne faite ne latou a tupua kona, Mo tino katoa e talitonu ki ei,[148] Ke pena eiloa latou mo tupua kona ne faite ne latou!

¹⁹Viki atu ki te Aliki, koutou tino Isalaelu; Viki atu ki a ia koutou faitaulaga a te Atua!

²⁰Viki atu ki te Aliki a koutou te fanauga Levi; Viki atu ki a ia koutou katoa kola e tapuaki ki a ia!

²¹Viki atu ki te Aliki i Siona, i Ielusalema tena fa'kai. Viki atu koutou ki te Aliki!