Read Te Tusi Tapu I Te Gana Tuvalu Lomiga Lua SALAMO 137 Bible Online

SALAMO 137 - Te Tusi Tapu I Te Gana Tuvalu Lomiga Lua bible

SALAMO 137

¹I tafa o vaitafe o Papelonia, ne saga'saga ei matou, O tagi i te masauaga ne matou Siona.

²I luga o lakau kola i tafatafa o vaitafe, Ne tautau ei omotou kitala.

³Ne fai mai a tino kola ne puke fakapagota ne latou a matou, Ke usu ake ne omotou pese; Ne fai mai ke fakafiafia aka latou: “Usu mai ki a matou se pese e uiga ki Siona.”

⁴E mafai pefea ne matou o usu se pese ki te Aliki i se fenua fakaatea?

⁵Ke mo a ma toe iloa ne au o ta te kitala Manafai e puli i a au a Ielusalema!

⁶Mo a ma toe mafai ne au o usu se pese, Manafai e se masaua ne au a koe; Manafai ko se mafaufau au i a koe ko toku fiafiaga sili!

⁷Te Aliki, masaua a mea a te kau Etoma ne fai, i te aso ne puke ei ne latou a Ielusalema Masaua te lotou pati e fai sale, “Lepegina ke ii ki lalo i te laukele!”

⁸ Papelonia, a koe ka fakamasei. Amutia a ia tela e toe taui ne ia ki a koe te masei, E tusa mo tau mea ne fai ki a matou,

⁹Tela e puke ne ia otou pepe, Kae pagopago ki luga o kaupapa.