Read Te Tusi Tapu I Te Gana Tuvalu Lomiga Lua SALAMO 14 Bible Online

SALAMO 14 - Te Tusi Tapu I Te Gana Tuvalu Lomiga Lua bible

SALAMO 14

¹[15] Ko fai ake pela tino valea i olotou loto, “E seai se Atua.” A latou ne tino masei katoa, Ko mea ma'sei faeloa ne fai ne latou; E seai se tino e amio lei.

²E onoono mai te Aliki i te lagi ki tino i lalo nei, Ke matea ne ia me e isi ne tino poto, Me e isi foki ne tino e tapuaki ki a ia.

³Ka ko latou katoa ne tino fai mea 'se; E pau katoa latou i te masei. E seai se tino o latou e amiotonu, E seai lele eiloa.

⁴Muna a te Aliki, “E a, e se iloa ne latou? E a, e se iloa ne tino fai agasala konei olotou mea masei ne fai? E ola latou i te 'fao a mea a oku tino, Kae se fakatagi mai eiloa latou ki a au.”

⁵Ka ko oko eiloa i te lotou ma'taku i te mea tena, Me i te Atua e kau ki a latou kola e tausi ki ana muna.

⁶A tino amio masei e fakamasei ne latou a fuafuaga a te tino loto malalo, Ka ko te Aliki ko tena 'puiga.

⁷Au e talo faeloa ko te manumalo Ke vau ki Isalaelu mai Siona. Ka fiafia Isalaelu mafai ko toe fakamanuia latou ne te Aliki.