Read Te Tusi Tapu I Te Gana Tuvalu Lomiga Lua SALAMO 140 Bible Online

SALAMO 140 - Te Tusi Tapu I Te Gana Tuvalu Lomiga Lua bible

SALAMO 140

¹[154] Te Aliki, fakasao mai au mai tino ma'sei; Puipui mai au mai tino fakatupu taua.

²E fai faeloa ne latou a aofaga ma'sei, E faka'tupu faeloa ne latou a fakakinauga.

³ A olotou laulaufaiva ko pela eiloa me ne gata i te fakamataku. Olotou pati foki e pela eiloa mo te poisini o te gata.

⁴Te Aliki, puipui mai au mai te malosi o tino ma'sei; Tausi mai au mai tino sauā Kola e taumafai o fakatakavale au.

⁵A tino fakamata'mata ko toka o malei au, Ko oti ne 'fola olotou matasele, Ko toka foki olotou malei i tafa o auala ke lavelave ei au.

⁶Au e fai atu ki te Aliki, “A koe ko toku Atua.” Te Aliki, fakalogo mai ki taku fakatagi mō se fesoasoani!

⁷Te Aliki toku Atua, mo toku lafiga malosi, Ko oti ne puipui ne koe au i taimi o taua.

⁸Te Aliki, sa tukugina ki tino ma'sei a mea e ma'nako latou ki ei; Sa fakataunugina olotou togafiti ma'sei.

⁹Mo a e manumalo oku fili; Ke toe foki eiloa olotou togafiti ki a latou.

¹⁰Faka'to ifo ki a latou a fatu 'ka; Ke 'to latou ki se lua, kae ke se toe mafai o olo ake.

¹¹Ke mo a e fakataunugina a molimau 'se a tino, Ke i luga i tino fakatupu taua te masei mo te malaia.

¹²Te Aliki, e iloa ne au me e puipui ne koe tino ma'tiva, Mo saolotoga o tino fakaalofa.

¹³Ka viki atu a tino amiotonu ki a koe; Ka 'nofo fakatasi latou mo koe.