Read Te Tusi Tapu I Te Gana Tuvalu Lomiga Lua SALAMO 146 Bible Online

SALAMO 146 - Te Tusi Tapu I Te Gana Tuvalu Lomiga Lua bible

SALAMO 146

¹Viki atu koutou ki te Aliki! Toku agaga, viki atu ki te Aliki!

²Ka viki au ki a ia i aso katoa e ola ei au; Ka pese au ki toku Atua i aso katoa o toku olaga.

³Sa fakalagolago ki tino takitaki o te olaga nei; Me seai se tino ola e mafai o fakaola ne ia a koe.

⁴Kafai e 'mate latou, e toe foki atu olotou foitino ki te laukele; i te aso tena, ka fakagata ei olotou fuafuaga katoa.

⁵Amutia a te tino tela e maua ne ia te fesoasoani o te Atua o Iakopo, Kae fakalagolago ki te Aliki tena Atua,

⁶ Ko ia tela ne faite ne ia te lagi, te lalolagi mo te tai, Mo mea katoa i ei. E fakamaoni faeloa a ia ki ana feagaiga;

⁷E fai ana fakamasinoga mo te alofa ki tino puapuagatia, Kae e tuku atu ne ia a meakai ki tino fia'kai. E fakasaoloto ne te Aliki a pagota,

⁸Kae fakapula ne ia a mata o tino 'kivi. Ka fakatu aka ne ia a latou kola e pakū ki lalo; E alofa a ia ki ana tino amiotonu.

⁹E puipui ne ia tino fakaalofa kola e nofo i te 'tou fenua; E fesoasoani a ia ki fafine ko mate olotou avaga mo tamaliki seai ne matua, Kae fakaseaoga ne ia a fuafuaga a tino amio ma'sei.

¹⁰A te Aliki ko te tupu ki te se gata mai. Siona, a tou Atua ka tupu i taimi katoa. Viki atu koutou ki te Aliki!