Read Te Tusi Tapu I Te Gana Tuvalu Lomiga Lua SALAMO 148 Bible Online

SALAMO 148 - Te Tusi Tapu I Te Gana Tuvalu Lomiga Lua bible

SALAMO 148

¹Viki atu koutou ki te Aliki! Viki atu ki te Aliki mai te lagi, A koutou katoa kola e nofo i koga maluga.

²Viki atu ki a ia ana agelu katoa, Mo ana kautau katoa i te lagi. Koutou katoa ana kautau o te lagi.

³Viki atu ki a ia te la mo te masina; Viki atu foki ki a ia koutou fetu.

⁴Viki atu ki a ia a lagi tafasili i te maluga! Mo vai i luga i te lagi.

⁵Ke viki atu latou katoa ki te igoa o te Aliki! Ko tena fakatonuga ne fakafua ei latou;

⁶Ko tena fakatonuga foki ne fakatulaga ei latou ki olotou tulaga se gata mai, Kae ne faka'logo eiloa latou ki ei.[161]

⁷Viki atu koutou ki te Aliki mai te lalolagi, ika lasi o te tai mō koga poko katoa o te moana;

⁸Uila mo te vaiua aisa, kiona mo kaumana, Matagi ma'losi kola e faka'logo ki tena fakatonuga.

⁹Viki atu ki a ia a koutou mauga malalo mo mauga ma'luga, Mo lakau fai fuaga mo togā vao lasi;

¹⁰Ko manu katoa, manu lata mo manu vao, Manu tolo mo manu eva.

¹¹Tupu mo tino katoa, ke viki koutou ki a ia; Pelenise katoa mo takitaki katoa;

¹²Tamataene mo tamafine, Tino matua mo tamaliki foki.

¹³Ke viki atu katoa latou ki te igoa o te Aliki! Ko tena igoa e tafasili i igoa katoa; Tena 'malu e maluga atu i te lagi mo te lalolagi.

¹⁴Ne fakamalosi ne ia a tena fenua, Ko te mea ke viki atu ki a ia ona tino katoa, Ko tino Isalaelu kola e fagasele i a ia. Viki atu koutou ki te Aliki!