Read Te Tusi Tapu I Te Gana Tuvalu Lomiga Lua SALAMO 149 Bible Online

SALAMO 149 - Te Tusi Tapu I Te Gana Tuvalu Lomiga Lua bible

SALAMO 149

¹Viki atu koutou ki te Aliki! Usu se pese fou ki te Aliki; Viki atu ki a ia i te maopoopoga o ana tino fakatuanaki!

²Ke fia'fia koutou Isalaelu ona ko ia tela ne faite ne ia koutou; Fia'fia koutou tino o Siona ona ko te otou tupu!

³Viki atu ki tena igoa i fatele; Viki atu foki ki a ia i lali mo kitala.

⁴E fiafia te Aliki ki ana tino; E fakasili ne ia tino loto maulalo o tuku ki ei te manumalo.

⁵Ke fia'fia tino o te Atua i te lotou manumalo, Kae pese mo te fiafia i te po kātoa.

⁶Ke ka'laga latou ki luga, kae viki atu ki te Atua, Mo olotou pelu makai'kai i olotou lima,

⁷Ke fakatakavale ne latou a nisi malo, Kae fakasala olotou tino;

⁸Kae pikifao olotou tupu ki filifili, Ka ko olotou takitaki ki filifili fiti;

⁹Ke fakasala ne latou a malo pela mo te fakatonuga a te Atua. Tenei te manumalo o tino o te Atua. Viki atu koutou ki te Aliki!