Read Te Tusi Tapu I Te Gana Tuvalu Lomiga Lua SALAMO 16 Bible Online

SALAMO 16 - Te Tusi Tapu I Te Gana Tuvalu Lomiga Lua bible

SALAMO 16

¹[17] Te Atua, puipui mai au, Me ko koe e sao ei au.

²Au e fai atu ki te Aliki, “Ko koe eiloa toku Aliki; E maua mai i a koe a mea 'lei katoa.”

³Ko oko eiloa i te gali o tino amiotonu o te Aliki! E fiafia lasi foki au ki a latou.

⁴A tino kola e tau'tali ki atua fakaatea, Ka maua latou ne fakalavelave e uke. Kae ka se kau foki au i olotou faiga taulaga; Ka se tapuaki foki au ki olotou atua.

⁵Te Aliki, ko koe eiloa toku tofi, E tuku mai ne koe a mea katoa e manako au ki ei; A toku ola foki e i ou lima.

⁶Ko oko eiloa te fakaofoofogia o au meaalofa ne tuku mai ki a au; Ko oko eiloa i te lei!

⁷E tavae au ki te Aliki, me takitaki ne ia au, Kae fakatonu mai foki ne ia au i te po.

⁸E iloa faeloa ne au i te Aliki e pili mai ki a au; E seai se mea e mafai o fakagasue toku talitonuga.

⁹Tela te mea e 'fonu ei au i te fiafia mo te fakafetai Me maua faeloa ne au te olaga tokagamalie,

¹⁰ Me puipui ne koe au mai te malosi o te mate; Ka ko te tino tela e alofa koe ki ei, Ka se tuku ne koe i te lalolagi o tino mate.

¹¹Ka fakaasi mai ne koe te auala tela e tau ki te ola; A tou fakatasi mai e fakafiafia ki toku loto Kae aumai foki ne ia te fiafia ki a au ke oko ki te se gata mai.