Read Te Tusi Tapu I Te Gana Tuvalu Lomiga Lua SALAMO 19 Bible Online

SALAMO 19 - Te Tusi Tapu I Te Gana Tuvalu Lomiga Lua bible

SALAMO 19

¹[21] E matea i te lagi te 'malu o te Atua! E fakaasi tonu mai foki i ei ana mea ne fai!

²E fakailoa atu foki ne te aso ki te sua aso te 'malu o te Atua; Mo te po ki te sua po.

³E seai ne pati io me ne muna e fakaaoga, E seai foki se leo e lagona;

⁴ Kae oko atu eiloa olotou leo ki te lalolagi katoa,[22] Mo olotou muna ki kapakapalagi. Ko fakatoka foki ne te Atua i te lagi se koga mo te la;

⁵E sae mai i te taeao, Kae fiafia e pela me se tagata fatoa avaga, E pela me se tagata malosi e fiafia faeloa o tele i se fakatautelega.

⁶A tena vau e kamata mai i te sua kapakapalagi Ke oko atu ki te sua kapakapalagi. E seai foki se mea e sao mai i tena 'vela.

⁷E tonu katoatoa te tulafono a te Aliki, E maua mai i ei te malosi fou. A fakatonuga foki a te Aliki e fakatuagagina, E aumai ne ia te poto ki a latou kola e valea.

⁸E tonu faeloa tulafono a te Aliki E fia'fia faeloa a latou kola e tausi ki ei. A fakatonuga a te Aliki e 'tonu katoatoa, Kae fakamaina ne ia te mafaufau.

⁹E 'lei katoatoa te tapuakiga ki te Aliki; Kae tumau ki te se gata mai. E tonu foki ana fakamasinoga; Kae se fakapito.

¹⁰E sili atu te lotou manakogina i lo te aulo tafasili i te 'ma; E magalo atu foki i lo te tina hani.

¹¹Ko au tulafono e fai ne ia a au, tau tavini, ke poto; E maua ne au te taui 'lei i au ne tausi ki ei.

¹²E seai se tino e mafai ne ia o lavea tena 'se; Te Aliki, fakasao mai au mai agasala e se iloa ne au!

¹³Puipui mai au mai te fai o agasala; Ke mo a ma pule mai ki toku olaga. Tena ka 'ma katoatoa ei au Kae sao mai i te masei o te agasala.

¹⁴Te Aliki, toku lafiga mo toku fakaolataga, Ke talia mai ne koe aku muna mo oku mafaufauga!