Read Te Tusi Tapu I Te Gana Tuvalu Lomiga Lua SALAMO 2 Bible Online

SALAMO 2 - Te Tusi Tapu I Te Gana Tuvalu Lomiga Lua bible

SALAMO 2

¹ Ai a e fai ei a fuafuaga a malo o 'teke atu ki te Aliki? Ai a foki e fai ei ne tino konei a fuafuaga se aoga?

²A olotou tupu mo olotou takitaki e 'kau fakatasi o 'teke atu ki te Aliki, E 'teke atu foki latou ki te tupu ne filifili ne ia,

³Ne fai'pati ake latou pela, “Ke se faka'logo tatou ki a la fakatonuga; Ke se 'saga foki tatou ki a la pulepulega.”

⁴E katakata te Aliki i tena nofoga-aliki i te lagi Kae fakatauemu foki a ia ki olotou fuafuaga se aoga.

⁵E faipati atu a ia mo te kaitaua ki a latou, Kae fakamatakutaku foki latou ne ia ki tena kaitaua lasi.

⁶Ana muna, “i luga i Siona,[1] toku mauga tapu, Ne fakasopo ne au i ei taku tupu.”

⁷ Muna a te tupu, “Ka folafola atu ne au,”a muna a te Aliki ne fai. Ne fai mai te Aliki ki a au: ‘A koe ko taku tama; Ko te aso nei ka fai ei au mo ou tamana.

⁸Kafai e fakatagi mai koe ki a au, ko tuku atu ei ne au ki a koe a malo katoa; Ka avatu foki ne au ki a koe a te lalolagi katoa.

⁹ Ka pule ne koe latou ki te tokotoko fiti; Ka foafoa foki ne koe latou ke malipilipi e pela me se ulo kele.”’

¹⁰Faka'logo mai ki a au, a koutou tupu; Faka'logo mai foki ki a au, a koutou tino pule o te lalolagi:

¹¹Tavini atu ki te Aliki mo te ma'taku;

¹²ifo atu ki a ia mo te ma'taku i a ia ma kaitaua, Ko 'mate fakavave ei koutou. Amutia latou katoa kola e olo atu ki a ia mo se puipuiga!