Read Te Tusi Tapu I Te Gana Tuvalu Lomiga Lua SALAMO 20 Bible Online

SALAMO 20 - Te Tusi Tapu I Te Gana Tuvalu Lomiga Lua bible

SALAMO 20

¹[23] Ke tali mai te Aliki ki a koe i taimi e maua ei koe ne puapuaga! Ke tausi foki koe ne te Atua o Iakopo

²Ke aumai ne ia ki a koe se fesoasoani mai tena Faletapu, Kae alofa atu foki ki a koe mai Siona!

³Ke talia ne ia au taulaga katoa, Pela foki mo au taulaga 'sunu.

⁴Ke tuku mai ki a koe a mea e manako koe ki ei Kae fakataunu foki ne ia au fuafuaga katoa.

⁵Tena la, ka ka'laga fiafia matou i tou manumalo Kae fakamanatu foki tou manumalo i te 'viki atu ki te 'tou Atua. Ke tali atu te Aliki ki au fakatagi katoa.

⁶Nei, ko iloa ne au me e avatu ne te Aliki te manumalo ki tena tupu filifilia; E tali mai foki a ia ki a ia mai tena lagi tapu, Kae ne manumalo a ia mai tena 'mana malosi.

⁷A nisi tino e fakatuaga ki kaliota tau, Ka ko nisi e fakatuaga ki solofanua, Ka ko tatou e fakatuaga ki te 'mana o te Aliki te tou Atua.

⁸A tino kona ka tapatusala olotou vae kae 'siga, Ka ko tatou ka 'tu ake mo te make'ke i 'tou tulaga.

⁹Te Aliki, tuku mai te manumalo ki te tupu; Tali[24] mai i te taimi e kalaga atu ei matou.