Read Te Tusi Tapu I Te Gana Tuvalu Lomiga Lua SALAMO 23 Bible Online

SALAMO 23 - Te Tusi Tapu I Te Gana Tuvalu Lomiga Lua bible

SALAMO 23

¹[28] Te Aliki ko toku tausi mamoe; E seai se mea e mativa ei au.

² E tuku mai ne ia au ke takato i vao mouku lauusiusi, Kae takitaki ne ia au i tafatafa o vai e tafetafe malie.

³E aumai ne ia ki a au te malosi fou. E takitaki foki ne ia au i te ala tonu, E pela mo tena tautoga.

⁴Te Aliki, e ui eiloa e sasale au i loto i se koga pouli tagataga, Kae ka se mataku au i a koe e fakatasi mai faeloa ki a au. Ko tou tokotoko mo tau lakau e puipui ei au.

⁵E fakatoka ne koe se kaiga ki a au, i te koga e matea mai ei au ne oku fili katoa; Ne talia 'lei ne koe au e pela me se malo taua, Kae ligi foki ne koe taku ipu ke 'fonu.

⁶E iloa ne au i tou atafai mo tou alofa e fakatasi faeloa mo au i aso katoa o toku olaga; Ka ko tou fale ka fai mo oku koga nofo i aso katoa e ola ei au.