Read Te Tusi Tapu I Te Gana Tuvalu Lomiga Lua SALAMO 24 Bible Online

SALAMO 24 - Te Tusi Tapu I Te Gana Tuvalu Lomiga Lua bible

SALAMO 24

¹[29] A te lalolagi mo mea katoa i ei, e a te Aliki. A tino foki kola e nofo i ei e o te Aliki.

²Ne faite ne ia a te lalolagi i luga o te moana 'poko, Kae fakatakato ne ia a tena fakavae i te takele papa.

³Ko oi te tino e tau o fanatu ki te mauga o te Aliki?[30] Ko oi te tino e taga o ulu ki tena Faletapu?

⁴ Ko latou kola e loto 'ma kae fai mea tonu; E se tapuaki ki tupua, e se tau'to fakaloiloi foki.

⁵Ka fakamanuia kae fakaola latou ne te Aliki; Ka fakailoa atu ne te Atua i a latou ne tino amio tonu.

⁶Kona vaega tino e 'tau o o'mai ki te Atua, Ko latou foki kona e 'tu i mua o te Atua o Iakopo.

⁷Tala ke matala a ma'taloa Tala foki a mataloa taumua, Ke ulu mai te tupu malu.

⁸Ko oi te tupu malu tenei? Ko te Aliki malosi kae 'mana, ko ia foki ko te Aliki e manumalo i taua.

⁹Tala ke ma'tala a mataloa Tala foki a mataloa taumua, Ke ulu mai te tupu 'malu.

¹⁰Ko oi te tupu 'malu tenei? Te Aliki manumalo Ko ia ko te tupu malu!