Read Te Tusi Tapu I Te Gana Tuvalu Lomiga Lua SALAMO 26 Bible Online

SALAMO 26 - Te Tusi Tapu I Te Gana Tuvalu Lomiga Lua bible

SALAMO 26

¹[32] Te Aliki, fakailoa atu ki tino i a au e amiotonu, i a au e fai mea tonu, kae fakatuaga ki a koe.

²Te Aliki, sukesuke mai kae tofotofo mai toku loto; Fakamasino mai oku manakoga mo oku mafaufauga.

³A tou alofa tumau ko toku takitaki; A tou fakamaoni e takitaki mai faeloa ki a au.[33]

⁴Au se fai takaga ki tino e seai ne aogā; Au se kau foki ki tino amio 'pelo.

⁵Au se fia fakatasi mo tino amio ma'sei, Kae kalo keatea foki au mai tino ma'sei.

⁶Te Aliki, e 'fano oku lima e fakaasi atu ei i a au se tino se agasala, Kae tapuaki fakatamilo au i tou fata-fai-taulaga.

⁷E usu ne au te pese fakafetai kae takutaku atu au galuega fakaofoofogina katoa.

⁸Te Aliki, au e fiafia ki te fale tena e nofo koe i ei, Ko te koga tena e nofo i ei tou 'malu.

⁹Sa fakamalaiagina au fakatasi mo tino agasala, Fakaola mai au mai te malaia o tino tatino,

¹⁰Ko latou kona e fai amioga ma'sei i taimi katoa Kae toka faeloa o talia a meaalofa faka'kolekole.

¹¹Ka ko au, e fai faeloa ne au te mea tonu; Alofa mai ki a au kae fakaola mai au!

¹²Au ko sao mai mea faigata katoa; Au e viki atu ki te Aliki i te fakapotopotoga o ona tino.