Read Te Tusi Tapu I Te Gana Tuvalu Lomiga Lua SALAMO 28 Bible Online

SALAMO 28 - Te Tusi Tapu I Te Gana Tuvalu Lomiga Lua bible

SALAMO 28

¹[36] Te Aliki, toku lafiga, Au e kalaga atu ki a koe. Fakalogo mai ki taku fakatagi! Kafai se tali mai koe ki a au, Ka fano au i tino kola e olo ifo ki te fenua o tino mate.

²Fakalogo mai manafai e fakatagi atu au ki a koe mō se fesoasoani, Manafai e sisi ake oku lima ki luga kae fakasaua atu ki tou Faletapu.

³Sa fakasalagina au fakatasi mo tino amio masei, mo latou foki kola e fai amioga ma'sei, Ko tino kola e fia 'lei i olotou muna, Ka ko olotou loto e fonu eiloa i te takalialia.

⁴ Fakasala atu latou e tusa mo olotou mea ne fai, E tusa foki mo olotou amioga ma'sei katoa ne fai. Fakasala atu latou e tusa mo olotou uiga ma'sei katoa ne fai; Taui atu ki a latou te mea e 'tau ki a latou!

⁵E se saga latou ki mea ne fai ne te Aliki, E pela foki mo mea ne faite ne ia; Tena ko fakasala ei ne ia a latou kae fakamalaia ki te se gata mai.

⁶Tavae atu ki te Aliki; me ko oti ne lagona ne ia taku fakatagi mō se fesoasoani.

⁷A te Aliki e puipui kae fakalafi ne ia au; Au e talitonu ki a ia. Ne fesoasoani mai a ia ki a au, Kae fakafiafia foki ne ia a au; E viki au ki a ia i pese fiafia.

⁸A te Aliki e puipui ki ona tino; E faka'lafi kae fakasao ne ia a tena tupu filifilia.

⁹Te Aliki, fakasao tou fenua, kae fakamanuia atu ou tino! Ke fai koe mo olotou tausi mamoe, Kae tausi atu ki a latou ki te se gata mai.