Read Te Tusi Tapu I Te Gana Tuvalu Lomiga Lua SALAMO 3 Bible Online

SALAMO 3 - Te Tusi Tapu I Te Gana Tuvalu Lomiga Lua bible

SALAMO 3

¹[2] Te Aliki, ko oko eiloa i te tokouke o oku fili, E tokouke foki a latou kola e teke mai ki a au!

²Ne fai'pati latou e uiga ki a au penei, “A te Atua ka se fesoasoani lele eiloa ki a ia.”

³Ka ko koe e te Aliki, ko toku talita e malu ei au i puapuaga; E aumai ne koe te manumalo ki a au Kae toe fakafou ne koe toku loto toa.

⁴E kalaga atu au ki te Aliki mō se fesoasoani, Kae tali mai a ia ki a au mai i tena mauga tapu.

⁵E takato au ki lalo o moe, Kae i te po katoa, ne puipui au ne te Aliki.

⁶E se mataku au ki te fia o afe o oku fili Kola e nikoi mai ne latou au.

⁷Te Aliki, vau! Toku Atua, fakasao mai au! Ne fakasala ne koe oku fili katoa, Ko seai ei se lotou malosi o ta au.

⁸A te manumalo e mai te Aliki, Ke fakamanuia ne ia ona tino!