Read Te Tusi Tapu I Te Gana Tuvalu Lomiga Lua SALAMO 30 Bible Online

SALAMO 30 - Te Tusi Tapu I Te Gana Tuvalu Lomiga Lua bible

SALAMO 30

¹[40] Te Aliki, au e tavae atu ki a koe i a au ne fakaola ne koe, Kae ne taofi ne koe oku fili mai te fakatauemu ki a au.

²Te Aliki toku Atua, au ne fakatagi atu ki a koe mō se fesoasoani, Kae ne fakaola ne koe au;

³Ne tausi ne koe au ke mao mai te mate. A au ko i toku auala ki te koga 'poko, Kae ne fakasao ne koe toku ola.

⁴Usu a tavaega ki te Aliki, koutou ona tino fakamaoni katoa! Ke masaua ne koutou a mea ne fai ne te Tasi Tapu, Kae avatu ki a ia a te fakafetai!

⁵A tena kaitaua e vave oti fua, Ka ko tena alofa e tumau i te olaga katoa. Se taumate e ma'ligi loimata i te afiafi, Ka ko te fiafia e maua i te taeao.

⁶Ne lagona ifo ne au i a au ko sao 'lei, Fai ifo ei au ki a au eiloa penei, “E se toe takavale eiloa au.”

⁷Te Aliki, a koe ne atafai mai ki a au; Ne puipui ne koe au ke malu 'lei e pela me se olo mauga. Ka ko te taimi ne fakagalo ei koe mai a au, Ko oko eiloa toku mataku.

⁸Te Aliki, au ne kalaga atu ki a koe; Ne fakatagi atu au ki tou fesoasoani:

⁹“Se a te 'lei e maua ne koe mai i toku mate? Se a te lei e maua i toku fano ifo ki lalo i te tanuga? E a, e mafai ne tino mate o viki atu ki a koe? E a, e mafai ne latou o folafola atu tou 'lei katoatoa?

¹⁰Te Aliki, fakalogo mai ki toku leo, kae alofa mai! Te Aliki, fesoasoani mai!”

¹¹Ne 'fuli ne koe toku fanoanoa ki te saka fiafia; Ko oti ne ave keatea ne koe te fanoanoa mai i a au. Kae fakafonu ne koe au ki te fiafia.

¹²Tena la, ka se mapu eiloa toku gutu, i te usuga o pese tavae ki a koe. Te Aliki, a koe ko toku Atua, E avatu ne au te fakafetai ki a koe ki te se gata mai.