Read Te Tusi Tapu I Te Gana Tuvalu Lomiga Lua SALAMO 31 Bible Online

SALAMO 31 - Te Tusi Tapu I Te Gana Tuvalu Lomiga Lua bible

SALAMO 31

¹[41] Te Aliki, au e fanatu ki a koe mō se puipuiga; Sa fakatakavalegina a au. Koe ko te Atua amiotonu; Au e talo atu ke fakaola mai au!

²Fakalogo mai ki toku leo! Fakaola mai au nei! Ke fai koe mo oku lafiga e puipui ei au; Mo oku olo foki e sao ei au.

³A koe ko toku lafiga mo toku olo; Fakatonutonu kae takitaki mai au e pela mo tau tautoga.

⁴Tausi ke sao au mai te malei ko oti ne fakatoka mo au; Fakamalu mai au mai mea faigata.

⁵ E tuku atu ne au a au eiloa ki tau tausiga. Te Aliki, ka fakasao ne koe au; A koe ko te Atua fakamaoni.

⁶E se fiafia koe ki a latou kola e tapuaki ki atua 'se, Ka ko au e talitonu ki a koe.

⁷Au e fiafia kae 'lifu i tou alofa tumau. E iloa ne koe oku puapuaga; E lavea foki ne koe oku fakalavelave.

⁸E seki talia ne koe oku fili ke puke fakapagota ne latou au; Ne fakasaoloto foki ne koe a au ke fano ki se koga e manako au ki ei.

⁹Te Aliki, koe ke alofa mai ki a au, I a au ko maua ne fakalavelave; Ko fi'ta oku mata i te tagiga, Ko seai lele eiloa soku malosi.

¹⁰Au ko vaivai i te fanoanoa, A toku ola ko toetoe i te tagi soko. Au ko vaivai i te uke o oku fakalavelave; [42] Oku ivi foki ko vai'vai eiloa.

¹¹A oku fili katoa, kae sili atu oku tuakoi, E takalia'lia mai ki a au; A tino kola e iloa ne latou au ko ma'taku i a au; Kafai e matea ne latou au i te auala, kae 'tele keatea.

¹²A au ko se masaua ne tino katoa, E pela me se tino ko oti ne mate; Au ko pela me se mea ko oti ne 'pei keatea.

¹³E lagona ne au te musumusuga a oku fili e tokouke; Tela ko 'fonu ei au i te mataku. E fai ne latou a fuafuaga e teke mai ki a au, Mo pulepulega ma'sei ke tamate au.

¹⁴Ka ko toku fakatuanaki e i a koe e te Aliki, A koe ko toku Atua.

¹⁵Au e tausi faeloa ne koe; Fakasao mai au mai oku fili, Mai i a latou foki kola e fakasaua mai ki a au.

¹⁶Kilo mai mo te alofa ki tau tavini; Fakaola mai au i tou alofa tumau.

¹⁷Te Aliki, e kalaga atu au ki a koe; Sa fakamasiasigina au. Fakamasiasi ake a tino amio masei; Ke olo latou mo te filemu ki te lalolagi o tino 'mate.

¹⁸Liko atu a tino 'loi kona — Tino fakamatamata katoa mo tino fakamaualuga, Kola e fai'pati mo te takalialia ki tino amiotonu.

¹⁹Ko oko eiloa te fakaofoofogia o mea 'lei e tausi ne koe mo tino kola e fakaaloalo ki a koe! E iloa foki ne tino katoa i a koe e agalei, Me e puipui faka'lei ne koe a tino kola e talitonu ki a koe.

²⁰E faka'muni ne koe latou i ou lima, e malu 'lei ei latou, Mai pulepulega ma'sei a tino ma'sei; Ne faka'muni ne koe latou i se koga malu 'lei mai muna fakaitaita a olotou fili.

²¹Viki atu ki te Aliki! Me ko oko eiloa te fakaofoofogia te fakaasiga o tena alofa ki a au, i te taimi ne nikoi ei au ne oku fili o ta!

²²Au ne mataku kae mafaufau pela me ko oti ne afuli ne ia au keatea mai ona mua. Kae ne lagona ne ia taku tagi, i te taimi ne kalaga ei au ki a ia mō se fesoasoani.

²³Alofa atu ki te Aliki, koutou ona tino fakamaoni katoa. E puipui ne te Aliki a tino fakamaoni, Kae fakasala ne ia tino fakamaualuga.

²⁴Ke malosi kae loto lasi, koutou katoa kola e fakamoemoe ki te Aliki.