Read Te Tusi Tapu I Te Gana Tuvalu Lomiga Lua SALAMO 32 Bible Online

SALAMO 32 - Te Tusi Tapu I Te Gana Tuvalu Lomiga Lua bible

SALAMO 32

¹[43] Amutia a tino kola ko fakamagalogina olotou agasala, Kola ko faka'magina foki olotou amioga ma'sei.

²Amutia te tino tela e se taku'segina ne te Aliki, Kae se masani o loi.

³Au ne vaivai eiloa i te tagiga i te aso 'katoa i te mea ne seki fakaasi ne au aku agasala.

⁴Te Aliki, ne fakasala ne koe au i te ao mo te po; Ko palele atu eiloa toku malosi, E pela mo te sau ko matafi atu i aso o te tau vela.

⁵Tela ne fakaasi atu ei ne au ki a koe aku agasala; E seki funa foki ne au i ou mua aku amioga ma'sei. Au ne mafaufau ke fakaasi atu aku agasala ki a koe; Kae ne fakamagalo eiloa ne koe.

⁶Tela la, e tau o talo atu ki a koe ou tino fakamaoni katoa i taimi e ma'nako ei latou ki a koe; Kafai e oko mai se lofiaga o puapuaga, Ka se oko atu eiloa ki a latou.

⁷A koe ko te koga e muni ei au; Ka fakasao ne koe au mai fakalavelave. E pese atu au mo te leo maluga ki tau fakaolataga, Me e puipui ne koe au.

⁸Muna a te Aliki, “Ka akoako atu ne au ki a koe te auala e 'tau o fano koe i ei; Ka fakatonutonu kae akoako ne au a koe.

⁹Sa fakavalevale pela me se solofanua io me pela me se miula, Tela e 'tau o takitaki ki te fagutu, Ko te mea ke fakalogo ki a koe.”

¹⁰E 'tau o puapuagatia a tino amio ma'sei; Ka ko tino kola e fakatuanaki ki te Aliki, E puipui ne ia ki tena alofa tumau.

¹¹Lifu kae fia'fia koutou kola e amiotonu, E tusa mo mea kola ne fai ne te Aliki! Kalaga fia'fia koutou kola e fiafia ki a ia!