Read Te Tusi Tapu I Te Gana Tuvalu Lomiga Lua SALAMO 38 Bible Online

SALAMO 38 - Te Tusi Tapu I Te Gana Tuvalu Lomiga Lua bible

SALAMO 38

¹[49] Te Aliki, sa fakasala mai au manafai e kaitaua koe!

²Ko oti ne fakapakia ne koe au ki au matasana; Ko oti foki ne ta ne koe au.

³A koe ne ita mai ki a au tela ko mae valevale ei toku foitino; Ko masaki toku foitino katoa e mafua mai aku agasala.

⁴Au ko malemu i te lofiaga o aku agasala; Se amoga mafa, ko se mafai ne au o amo.

⁵Ko toku valea, tela ko pala kae manogi masei ei oku matakili.

⁶Ko makau toku tua, ko vaivai foki toku foitino; E tagi fanoanoa au i te aso katoa.

⁷Ko oko eiloa i te malosi o toku fiva, Ko pili eiloa au o mate.

⁸Au ko vaivai ka ko takavale masei foki; Ko fi'ta toku fatu, kae tagi foki au i te 'mae.

⁹Te Aliki, e iloa ne koe te mea e manako au ki ei; E lagona foki ne koe toku tagi fi'ta.

¹⁰A toku fatu ko tuki valevale fua, a toku malosi ko seai, Ka ko teka keatea foki te mainaga mai oku mata.

¹¹Ka se fakapilipili mai oku taugasoa mo oku tuakoi, Me fai ne oku matakili; Ke oko foki eiloa ki toku kaiga ko nofo faka'mao mo au.

¹²A latou kola e ma'nako o tamate au, ko 'tao ne latou a malei ke lave au i ei, Ka ko latou kola e ma'nako o fakamasei au, E fai olotou pati ke fakaseaoga au; E se gata eiloa te lotou lamalama ke ta a au.

¹³Au ko pela mo se tino taliga 'tuli, e se lagona se mea, E pela foki au mo se tino gūgū e se mafai o faipati.

¹⁴Au ko pela me se tino ko se mafai o tali ki fesili me ko se lagona ne ia se mea.

¹⁵Ka ko au e talitonu ki a koe, te Aliki; Ko koe, te Aliki toku Atua, ka tali mai ki a au.

¹⁶Sa faigina oku fili ke fakatauemu mai ki oku puapuaga; Sa faigina foki latou ke fakamata'mata i toku takavale!

¹⁷Ko pili nei au o siga ki lalo, kae tumau faeloa te 'mae i a au.

¹⁸Ko fakaasi atu ne au aku agasala, Me e fakalavelave mai faeloa ki toku loto.

¹⁹A oku fili e olaola lei kae ma'losi; E tokouke tino e takalia'lia fua ki a au kae seai se pogai 'tau.

²⁰A latou kola e taui atu te masei ki te lei, E teke mai ki a au, me i a au e taumafai o fai te mea tonu.

²¹Te Aliki, sa tiakina mai au, Toku Atua, sa fakamao keatea mo au!

²²Te Aliki toku fakaola, fesoasoani mai nei ki a au!