Read Te Tusi Tapu I Te Gana Tuvalu Lomiga Lua SALAMO 4 Bible Online

SALAMO 4 - Te Tusi Tapu I Te Gana Tuvalu Lomiga Lua bible

SALAMO 4

¹[3] Te Atua, toku lafiga, Tali mai ki taku 'talo! Au ne puapuagatia, kae ne fesoasoani mai koe. A koe ke alofa mai kae tali mai ki taku 'talo.

²Ko afea e fakagata ei te otou faifai muna ki a au? Ko afea e fakagata ei te otou fia'fia ki mea se aoga, Kae tautali ki mea 'se?

³Ke masaua me ko oti ne filifilia ne te Aliki mō ia a tino amiotonu, E fakalogo mai ma kalaga atu au ki a ia.

⁴ Ke ma'taku koutou ki te Aliki kae fakagata te otou fai agasala; Ke mafaufau 'mafa koutou ki te mea nei, Manafai e ta'kato koutou i otou moega.

⁵E 'tau mo koutou o tuku atu ki te Aliki te taulaga tonu, Kae fakatuanaki mo te loto katoatoa ki a ia.

⁶E tokouke tino e talo penei, “Te Aliki, Tuku mai te fakamanuiaga lasi ki a matou, Kae kilo alofa mai foki ki a matou!”

⁷A te fiafia ne tuku mai ne koe ki a au, e sili atu i te fiafia Ka maua ne latou kola e uke olotou saito mo uaina.

⁸Kafai e takato au ki lalo, e moe au mo te filemu; Me ko koe eiloa te Aliki e tausi faka'lei mai ke sao au.