Read Te Tusi Tapu I Te Gana Tuvalu Lomiga Lua SALAMO 47 Bible Online

SALAMO 47 - Te Tusi Tapu I Te Gana Tuvalu Lomiga Lua bible

SALAMO 47

¹[59] Tino katoa, pati otou lima i te fia'fia! Tavae atu ki te Atua i pese!

²E 'tau tatou o ma'taku ki te Aliki, Tela e tafasili i te maluga; A ia ko te tupu sili, e pule i te lalolagi katoa.

³Ne tuku mai ne ia ki a tatou te manumalo i tino valevale; Ne fai ne ia tatou ke pule i malo.

⁴Ne filifili ne ia mō tatou, te fenua tenei e nofo ei tatou, Ko te mea ke mita'mita ei ona tino, kola e alofa a ia ki ei.

⁵E fanake te Atua ki tena nofogaaliki. E isi te kalaga o te fiafia mo leo o pu, i te taimi e fanake ei te Aliki.

⁶Pese tavae atu ki te Atua; pese tavae atu ki te tou tupu!

⁷A te Atua ko te tupu o te lalolagi katoa; Tavae atu ki a ia i pese!

⁸A te Atua e nofo i tena nofogaaliki tapu; E pule a ia i malo katoa.

⁹E potopoto fakatasi a pule o fenua, mo tino [60] o te Atua o Apelaamo. E sili atu tena malosi i kautau katoa; E maluga foki tena pule.