Read Te Tusi Tapu I Te Gana Tuvalu Lomiga Lua SALAMO 5 Bible Online

SALAMO 5 - Te Tusi Tapu I Te Gana Tuvalu Lomiga Lua bible

SALAMO 5

¹[4] Te Aliki, fakalogo mai ki aku pati; Kae fakalogo mai foki ki toku manava fi'ta.

²Toku Atua mo toku tupu, Fakalogo mai ki taku fakatagi mō se fesoasoani! Te Aliki, au e 'talo atu ki a koe;

³E lagona ne koe toku leo i te taeao; I te saeakega o te la, ne talo atu ei au,[5] Kae fakatali ki se tali mai i a koe.

⁴A koe e se se Atua tela e fiafia ki faiga 'se; E se talia ne koe se mea masei.

⁵E se fia kilo ou mata ki tino fakamata'mata, A koe e se fiafia ki tino amio ma'sei.

⁶E fakamalaia ne koe tino 'loi katoa, E takalialia koe ki tino sauā kae fai togafiti.

⁷Ka ko au, e mafai o fanatu ki tou fale, Ona ko tou alofa lasi; E mafai o tapuaki atu au i loto i tou Faletapu 'Malu, Kae ifo atu mo te ava lasi ki a koe.

⁸Te Aliki, ko oko eiloa te tokouke o oku fili! Takitaki atu au ke fai ne au tou loto, Kae fakaasi mai ou auala ke tautali au i ei.

⁹ A pati e fai ne oku fili e se mafai o fakatuagagina; Te mea e ma'nako latou ki ei ko te fakamasei. A olotou pati e logo'tonu kae mole'mole, Kae tela la, ko te loi faeloa.

¹⁰Te Atua, fakasala kae fakamalaia atu latou; Ke malaia eiloa latou i olotou fuafuaga masei. Atuli atu latou ki tua mai ou mua Me ko tō uke olotou agasala Mo olotou faiga ma'sei e teke atu ki a koe.

¹¹Ka ko latou katoa kola e maua ne latou mai i a koe a te filemu ka fiafia; Ka usu pese faeloa latou mo te fiafia. Puipui ne koe latou kola e alofa ki a koe; Me e fiafia latou ona ko koe.

¹²Te Aliki, e fakamanuia ne koe latou kola e faka'logo ki a koe; A tou alofa e pela me se taliga e malu 'lei ei latou.