Read Te Tusi Tapu I Te Gana Tuvalu Lomiga Lua SALAMO 54 Bible Online

SALAMO 54 - Te Tusi Tapu I Te Gana Tuvalu Lomiga Lua bible

SALAMO 54

¹[69] Te Atua, fakaola mai au ki tou mana; Fakasaoloto mai au ki tou malosi!

²Te Atua, fakalogo mai ki taku talo; Fakalogo mai foki ki aku muna!

³A tino fia'sili ko o'mai o ta au; A tino fakasaua foki ko taumafai o tamate au, Ko tino kola e se 'saga ki te Atua.

⁴Ka ko te Atua ko toku fesoasoani. A te Aliki ko toku lafiga.

⁵Ke fakasala ne te Atua oku fili ki olotou amioga ma'sei. Ka 'ta fakapalele foki ne ia a latou me i a ia e fakamaoni.

⁶Te Aliki, ka tuku atu ne au mo te fiafia te taulaga; Ka tuku atu foki ne au te fakafetai, me i a koe e 'lei.

⁷Ne fakasao ne koe au mai oku puapuaga katoa, Ka ko oti foki ne lavea ne au te takavale o oku fili.