Read Te Tusi Tapu I Te Gana Tuvalu Lomiga Lua SALAMO 55 Bible Online

SALAMO 55 - Te Tusi Tapu I Te Gana Tuvalu Lomiga Lua bible

SALAMO 55

¹[70] Te Atua, fakalogo mai ki taku 'talo; kae sa saga keatea mai taku fakatagi!

²Fakalogo mai kae tali mai ki a au; i a au ko masei valevale i toku manavase.

³Ko fonu toku loto i te mataku ona ko te fakamatakutaku mai a oku fili, Mo te fakasaua mai o tino amio ma'sei. Ko aumai ne latou a fakalavelave ki a au; Talu eiloa te lotou ita mo te takalialia mai ki a au.

⁴Au ko mataku, A te mataku foki o te mate ko 'mafa tukituki i luga i a au.

⁵Ko saitia au ne te mataku mo te polepole; Ko takavale foki au i te mataku.

⁶Aku muna eiloa ke isi ne oku kapakau pela mo se lupe. Ke eva atu au keatea o sala se koga mo oku fakatapū.

⁷Ke eva atu au ki se koga mao o faite soku fale i se toafa.

⁸Ka fakavave atu au o sala soku lafiga mai te matagi malosi mo te afā.

⁹Te Aliki, faka'numi aka pati a oku fili. Me ko iloa ne au te saua mo taua i loto i te fa'kai,

¹⁰E fakatamilo faeloa i te fa'kai i te ao mo te po, Tela ko fonu te fa'kai i te ofa tulafono mo fakalavelave.

¹¹Te malaia ko i ona feitu katoa, A ona auala ko fonu i te saua mo te fai togafiti 'loi.

¹²Kafai se fili e fakatauemu mai ki a au, E mafai ne au o kufaki; Kafai foki se tino e 'teke fakamatamata mai ki a au, E mafai ne au o 'muni mai i a ia.

¹³Kae nei ko koe eiloa toku takaga, Ko tino e masani mo au, Ko toku taugasoa pili.

¹⁴Ne sau'tala faka'lei sale taua, ne tapuaki fakatasi taua i te Faletapu.

¹⁵Ke oko fakavave atu te mate ki oku fili; Kae ke ave ola foki latou ki te fenua o tino 'mate! I te masei e nofo faeloa i olotou fale mo olotou loto.

¹⁶Ka ko au e kalaga atu ki te Aliki te Atua mō se fesoasoani, Kae ka fakaola ne ia au.

¹⁷A toku se malie mo aku fakatagi e olo ake ki a ia i te taeao, tutonu mo te po, Kae ka lagona ne ia toku leo.

¹⁸Ka fakasao ne ia au mo te filemu mai te taua tela ne tau atu ei au ki oku fili uke eiloa.

¹⁹A te Atua tela ne pule mai i te kamataga ki te se gata mai, Ka fakalogo a ia ki toku leo kae fakatakavale ne ia latou; i a latou e ita ma fuli ki te Atua, Kae se ma'aku ki a ia.

²⁰A toku taugasoa mua ko oso atu o ta ona takaga; Ko ofa ei ne ia tena feagaiga.

²¹E molemole atu ana muna i lo te sinu, Kae isi foki te loto masei i tena loto; E sili atu te mole'mole o ana muna i lo te sinu, Kae ma'suki e pela me se pelu mata 'kai.

²²Tuku atu ki te Aliki a mea a manavase koe ki ei, Me ka fesoasoani a ia ki a koe; E se tiaki lele ne ia a tino fakamaoni ke taka'vale.

²³Ka ko koe e te Atua, ka ave ne koe a tino tatino mo te 'loi Ki olotou tanuga kae seki oko latou ki te kogaloto o olotou olaga. Kae pela mo au, e fakatuaga eiloa au ki a koe.