Read Te Tusi Tapu I Te Gana Tuvalu Lomiga Lua SALAMO 57 Bible Online

SALAMO 57 - Te Tusi Tapu I Te Gana Tuvalu Lomiga Lua bible

SALAMO 57

¹[72] Te Atua, a koe ke alofa mai ki a au, A koe ke alofa, i a au e fanatu ki a koe e sao ei au. I lalo ifo o ou kapakau e malu ei au, Ke oko ki te otiga o kaumatagi fakamataku.

²Au e kalaga ki te Atua Tafasili i te Maluga, Ko te Atua tela e maua mai ei a mea katoa e fia maua ne au.

³Ka tali mai a ia mai te lagi kae fakaola mai au; Ka fakatakavale ne ia a latou kola e fia ta ki a au. Ka fakaasi mai foki ne te Atua ki a au tena alofa tumau mo tena fakamaoni.

⁴Au e nikoi ne oku fili, kola e pela me ne leona kai tino. A olotou nifo ko pela me ne tao mo matasana; Ka ko olotou laulaufaiva e pela mo ne pelu mata 'kai.

⁵Te Atua, fakaasi tou 'malu i te lagi, Pela foki ki te lalolagi kātoa!

⁶Ko 'fola ne oku fili te tili ke lavelave au i ei; Ko oko eiloa te vaivai o toku loto. Ko keli foki ne latou se lua i toku auala, Kae ne 'to eiloa latou ki ei.

⁷Te Atua, au e talitonu katoatoa ki a koe! Au ka usu pese atu o tavae ki a koe!

⁸Ala mai, toku agaga! Ala mai, taku kitala mo taku faili! Au ka ala ake i taeao pogipogi o viki atu!

⁹Te Aliki, au e viki fakafetai atu ki a koe i mua o malō! Au e tavae ki a koe i mua o tino!

¹⁰A tou alofa tumau e oko atu ki te lagi; Mo tou fakamaoni e oko atu ki te vanimonimo.

¹¹Te Atua, fakaasi tou sili i te lagi; Mo tou 'malu i luga o te lalolagi katoa.