Read Te Tusi Tapu I Te Gana Tuvalu Lomiga Lua SALAMO 58 Bible Online

SALAMO 58 - Te Tusi Tapu I Te Gana Tuvalu Lomiga Lua bible

SALAMO 58

¹[73] A koutou tino pule, e a, e fai ne koutou te ikuga 'tau? E a, e fakamasino ne koutou a tino katoa mo te tonu?

²Ikai! E mafaufau faeloa koutou ki mea ma'sei ke fai ne koutou, Kae ofa ne koutou a tulafono, kae faka'tupu fakalavelave i te fenua.

³A tino amio ma'sei e fai faeloa mea 'se i olotou olaga katoa; E fai'pati faeloa ki te loi talu te lotou fanaumaiga.

⁴E fonu latou i te poisini e pela mo gata; Ka ko 'pono foki olotou taliga e pela mo se gata taliga tuli,

⁵Tela la, e se lagona ne ia te leo o te tino tela e fakalatalata ne ia te gata, Se lagona foki ne ia te 'lau a tino fai vailakau.

⁶Te Atua, fatifati ake a nifo o leona fe'kai konei!

⁷Ke 'galo atu latou e pela mo te 'tafe atu o te vai keatea; Ke pala'pala latou e pela mo mouku i te auala.

⁸Ke pela latou mo sipō e liu 'pela, E pela foki mo se pepe e fanau mai kae mate, E se matea eiloa ne ia te mainaga.

⁹A koi tuai o iloa ne latou te mainaga, Ka ko kati latou ki lalo pela me se vao ne vele, Ka agina latou keatea i te kaitaua o te Atua, Ko 'galo atu ei latou a koi ola eiloa.

¹⁰Ka fiafia a tino amiotonu manafai e matea ne latou a tino agasala ko fakasalagina; Ka sasale latou i loto i toto o tino amio masei.

¹¹Ka fai ake ei a tino penei, “E tonu e maua ne tino amiotonu te taui 'lei; E tonu e isi te Atua tela e fakamasino ne ia te lalolagi!”