Read Te Tusi Tapu I Te Gana Tuvalu Lomiga Lua SALAMO 6 Bible Online

SALAMO 6 - Te Tusi Tapu I Te Gana Tuvalu Lomiga Lua bible

SALAMO 6

¹[6] Te Aliki, sa ita kae sa fakasalagina mai au i taimi o tou kaitaua!

²Te Aliki, alofa mai ki a au, i a au ko vaivai! Fakafoki mai toku malosi me i a au ko vaivai,

³Toku agaga katoa ko oko loa i te fanoanoa. Te Aliki, ko afea e fesoasoani mai ei koe ki a au?

⁴Te Aliki, vau o fakasao mai au; Ona ko tou alofa, fakasao au mai te mate.

⁵I te lalolagi o tino mate, e seai se tino e mafaufau atu ki a koe; E se mafai foki o 'viki atu se tino ki a koe i kona.

⁶Au ko vaivai i te fanoanoa; A toku moega e siu i aku tagi i po katoa, Kae siu foki toku aluga i oku loimata.

⁷Ko faigata o lavea ne au se mea, i oku mata ko pēpē Ona ko taku tagiga, ne mafua mai i oku fili.

⁸ Olo keatea mai oku tafa, a koutou tino amio ma'sei! Ko lagona ne te Aliki toku tagi fanoanoa;

⁹E lagona ne ia taku fakatagi mo se fesoasoani, E tali mai foki a ia ki taku talo.

¹⁰Ka iloa ne oku fili katoa te masiasi o te takavale; Ko oko eiloa te lotou manava'se, 'tele fakavave ei latou keatea.