Read Te Tusi Tapu I Te Gana Tuvalu Lomiga Lua SALAMO 60 Bible Online

SALAMO 60 - Te Tusi Tapu I Te Gana Tuvalu Lomiga Lua bible

SALAMO 60

¹[75] Te Atua, ne 'teke kae fakatakavale ne koe a matou, Ko oti koe ne kaitaua ki a matou, kae nei, a koe ke toe saga mai ki a matou.

²Ko oti ne fakagalulu kae faka'ma'fa'fa ne koe te laukele; Nei ke faka'lei ake ne koe ona pakiaga, Me ko tatelatela!

³Ko oti ne fakafi'ta ne koe ou tino i puapuaga e uke; Ne takatipa'tipa matou e pela me ne tino ko'na.

⁴Ko oti ne fakailoa atu ne koe ki tino kola e ma'taku ki a koe, Ko te mea ke 'sao latou mai te malaia.

⁵Fakasao matou i tou malosi, Kae tali mai ki te motou 'talo, Ko te mea ke sao a tino kola e alofa koe ki ei!

⁶Mai i tena faletapuaki; [76] Ne faipati mai te Atua i tena fale tapuaki, “Ko toku manumalo ka vaevae ei ne au Sekema, Kae tufatufa atu ne au te Vanu o Sukota ki oku tino.

⁷E oku a Kileata, mo Manase foki; Efalaima ko toku puloutau, Ka ko Iuta ko toku tokotoko fakatupu;

⁸Ka fai ne au a Moapi mo aku tanoa 'fano, Ka ko koe Etoma e fai koe mo aku pokisi teu taka, Ko te failoga tena me e pule au i ei. E a, e manatu Filisitia i a ia e kalaga fiafia i tena manumalo i a au?”

⁹Te Atua, ko oi ka ave ne ia au ki te fa'kai e pui faka'lei ki olo? Ko oi ka takitaki ne ia au ki Etoma?

¹⁰E a, ne tiaki tonu eiloa ne koe matou? E se vau koe o olo tasi mo te motou kautau?

¹¹Te Aliki, fesoasoani ki a matou o taua mo omotou fili, Me se aoga lele se fesoasoani mai i tino ola!

¹²E manumalo matou manafai e kau te Atua i a matou; Ka fakatakavale ne ia omotou fili.