Read Te Tusi Tapu I Te Gana Tuvalu Lomiga Lua SALAMO 61 Bible Online

SALAMO 61 - Te Tusi Tapu I Te Gana Tuvalu Lomiga Lua bible

SALAMO 61

¹[77] Te Atua, saga mai i a au e kalaga atu; Fakalogo mai ki taku 'talo!

²Au e kalaga atu ki a koe mai fenua 'mao, i te taimi o toku loto vaivai! Takitaki atu la au ki se lafiga malu 'lei,

³Me ko koe eiloa ko toku 'puiga, Mo toku 'puluga malosi mai oku fili.

⁴Ke nofo au i loto i tou fale tapuaki i toku olaga katoa; Ke maua foki soku lafiga i lalo o ou kapakau.

⁵Te Atua, ko oti ne lagona ne koe aku tautoga; Ko oti foki ne aumai ne koe ki a au a mea a latou kola e ava ki a koe.

⁶Ke ola loa te tupu; ke fakalevaleva tena olaga!

⁷Te Atua, ke pule faeloa a ia i ou mua ki te se gata mai; Ke faka'malu a ia ne tou alofa tumau, mo tou fakamaoni.

⁸Tela la, ka usu atu faeloa ne au ou vikiga, E pela mo te ofo atu ne au o ou vikiga i aso takitasi, E tusa eiloa mo taku tautoga ki a koe.