Read Te Tusi Tapu I Te Gana Tuvalu Lomiga Lua SALAMO 62 Bible Online

SALAMO 62 - Te Tusi Tapu I Te Gana Tuvalu Lomiga Lua bible

SALAMO 62

¹[78] Au e fakatalitali ki te Atua ke vau o fakasao au; Au e fakalagolago ki a ia tokotasi.

²Ko ia fua toku puipuiga mo toku fakaola; Ko ia foki toku puluga, Tela ka se mafai ei au o fakatakavalegina.

³Ka gata afea te ta ne koutou katoa a te tino tela e se malosi atu i te pa ko malepe?

⁴A koutou e ma'nako fua o fakamasei a ia mai tena tulaga 'malu; Kae fia'fia koutou ki pati 'loi. E faipati koutou ki muna fakamanuia, Kae fetū ne koutou a ia i otou loto.

⁵Ko te Atua fua e fakalagolago au ki ei; Au e fakamoemoe ki a ia.

⁶Ko ia fua toku puipuiga mo toku fakaola; Ko ia foki toku 'puluga, Ka se mafai ei au o takavale.

⁷A toku fakaolataga mo toku 'malu e i te Atua; Ko ia ko toku 'puiga malosi; Ko ia foki ko toku lafiga.

⁸Oku tino, fakatuanaki ki te Atua i taimi katoa. Taku atu ki a ia otou puapuaga katoa, me ko ia ko te tou lafiga.

⁹A tino e pela fua mo se manava e 'pusi atu, Ka ko tino ma'luga me ko tino ma'lalo, e se aoga. Tuku ake latou ki luga i te fua, E seai lele eiloa ne olotou pauna. E māmā atu latou i te laumatagi o te manava.

¹⁰Sa fakatuanaki ki te fakasaua; Sa fakamoemoe o fakasilia so se mea i te 'fai malo; Kafai e lasi te fakaopoopoga o tou maumea, Sa fakalagolago tou loto ki ei.

¹¹Ko lagona sale ne au te Atua e fai mai i te mana e o ia,

¹²Ka ko tena alofa e tumau. Me ko koe eiloa te Aliki e taui atu ne koe ki tino takitokotasi e tusa mo ana galuega.