Read Te Tusi Tapu I Te Gana Tuvalu Lomiga Lua SALAMO 63 Bible Online

SALAMO 63 - Te Tusi Tapu I Te Gana Tuvalu Lomiga Lua bible

SALAMO 63

¹[79] Te Atua, ko koe eiloa toku Atua, e 'nau toku loto ki a koe. A toku loto katoatoa e manako ki a koe; Ko fia inu toku agaga ki a koe, E pela mo se laukele malo, se ola me seai ne vai e maua i ei.

²Fakaasi ke matea ne au tou malosi mo tou 'malu; Fakaasi ke matea ne au a koe i te faletapu.

³A tou alofa tumau e silia atu tena lei i te ola, Tela e viki atu ei au ki a koe.

⁴E fakafetai atu au ki a koe i aso e ola ei au; Ka sisi oku lima o 'talo atu ki a koe.

⁵E fiafia toku loto o kai ki mea 'lei ke makona, Kae usu pese fiafia foki au o tavae atu ki a koe.

⁶Kafai e takato au i toku moega e masaua ne au koe; E mafaufau foki au ki a koe i te po katoa,

⁷Me i a koe e fesoasoani faeloa ki a au. E usu pese au mo te fiafia i lalo o te maluga o ou kapakau.

⁸Ko tuku atu toku loto ki a koe, Ka ko tou lima e ola ei au.

⁹A latou kola e taumafai o tamate au ka olo ifo latou ki lalo i te fenua o tino 'mate.

¹⁰Ka 'mate latou i te taua, E kai foki olotou foitino ne kuli vao.

¹¹Ka fiafia te tupu me tuku ne te Atua te manumalo ki a ia. A latou kola e fai olotou tautoga i te igoa o te Atua ka fiafia eiloa latou, Ka ko tino loi ka pono olotou gutu.